तिनाउ र राप्तीमा बाढी

सेतोमसी
श्रावण ९, २०८० मंगलवार

अ +
अ
अ -

बुटवल। गुल्मी सहीत लुम्बिनी प्रदेशका धेरै जिल्लामा भारी वर्षा भइरहेको छ ।

लुम्बिनी प्रदेशका धेरै जिल्लामा र आसपासका स्थानमा भारी वर्षा मापन भएको छ । भारी वर्षाका कारण तिनाउ नदी र पश्चिम राप्ती नदीमा बाढी आएको छ ।

जल तथा मौसम विज्ञान विभागले मँगलबार बिहान ६:१५ बजे सार्वजनिक गरेको सूचना अनुसार तिनाउ नदी बाढीमापन केन्द्र बुटवलमा जलसतह खतरा तह भन्दा निकै माथि पुगेको र बढ्दो रहेको छ । तिनाउको बाढी बढ्दो क्रममा छ ।

त्यसैले बाढीको उच्च जोखिम, तिनाउ नदीका तटिय क्षेत्र र आसपास डुबान हुन सक्ने होचा स्थानमा हुनेहरू दिउँसो १२ बजे सम्म सुरक्षित स्थानमा रहन सूचना प्रवाह गरेको छ । यसैगरी नवलपरासीको देउराली र आसपासको क्षेत्रमा पनि भारी वर्षा मापन भएको छ ।

वर्षाका कारण विनयी लगायत साना खोलाहरूको बहाव बढ्ने सम्भावना छ । नदी तटीय क्षेत्रमा बसोबास गर्ने तथा यात्रामा निस्किनेहरूलाई सतर्कता अपनाउन जल तथा मौसम विज्ञान विभागले अनुरोध गरेको छ ।

जल तथा मौसम विज्ञान विभागको बाढी पूर्वानुमान महाशाखाका अनुसार चितवनको भरतपुर एयरपोर्ट र दाङको बबई नदी बेसिनको सुखबारे भन्ने स्थानमा पनि अत्यधिक वर्षा मापन भएको छ ।