ज्यामिरे सामुदायिक वनद्वारा बिरुवा वितरण

सेतोमसी
श्रावण ७, २०८० आइतवार

ज्यामिरे सामुदायिक वनद्वारा बिरुवा वितरण

अ +
अ
अ -

सुनवल। ज्यामिरे सामुदायिक वन उपभोक्ता समुहले बिरुवा वितरण गरेको छ ।

आइतबार वन समुहले एक कार्यक्रमको आयोजना गरि उपभोक्तालाई निशुल्क बिरुवा वितरण गरेको हो।

बितरण कार्यक्रममा बोल्दै सामुदायिक वन उपभोक्ता महासंघ स्थानीय महासंघ सुनवलका अध्यक्ष कर्ण बहादुर सेनले बिरुवालाई रोपेर मात्र नहुने भन्दै उचित स्याहार‚ सुसार र संरक्षण सहित हुर्काउने बढाउने र हरियालीलाई प्रवर्द्धन गरेर मानव जीवनको जीवन शैलीकै रुपमा अगाडि बढाउनुपर्ने बताए ।

तस्तै कार्यक्रमका प्रमुख अतिथि एवम् सुनवल वडा नं ७ अध्यक्ष नारायण प्रसाद आचार्यले वायु प्रदुषणबाट हुने आक्रमणबाट बच्न तथा वातावरणलाई सन्तुलित राख्नका लागि वृक्षारोपण महत्वपूर्ण भएको बताए । हरियाली प्रवर्द्धनका वडाले सामुदायिक वनसँग समन्वय गर्दै विभिन्न समय वृक्षारोपण गर्दै आएको जानकारी दिए ।

वातावरण संरक्षण गर्न वन समुहले प्रत्येक उपभोक्तालाई बिरुवा वितरण गरेको र अहिले फलफूल लगाउने कार्यमा उपभोक्ताको आकर्षण पनि बढ्दै गइरहेको कारण कागती‚ तेजपत्ता‚ काफलको लगायतको बिरुवा वितरण गरिएको ज्यामिरे सामुदायिक वन उपभोक्ता समूहकी अध्यक्ष टिचन गुरुङले बताइन् ।