लुम्बिनी प्रदेशसभा बैठक आज दिउँसो १ बजे बस्ने

सेतोमसी
आषाढ ३०, २०८० शनिवार

लुम्बिनी प्रदेशसभा बैठक आज दिउँसो १ बजे बस्ने

अ +
अ
अ -

दाङ । लुम्बिनी प्रदेशसभाको बैठक आज बस्दैछ । दिउँसो १ बजे बस्नेगरी बैठक आह्वान गरिएको प्रदेश संसद सचिवालयले जनाएको छ ।

गत २० गते लुम्बिनी प्रदेशको बजेट पारित भएसँगै प्रदेशसभा बैठक स्थगित भएको थियो ।
जारी भएको सूचना अनुसार लुम्बिनी प्रदेशसभाको दोस्रो अधिवेशनको उन्नाइसौं बैठक असार ३० गते शनिबार दिउँसो १ बजेका लागि सभामुखको निर्देशनअनुसार आह्वान गरिएको हो ।

प्रदेश निजामती सेवाको गठन, संचालन र देहायका सर्त सम्बन्धमा व्यवस्था गर्न बनेको विधेयक प्रदेशसभाका पेस गर्ने, स्वास्थ्य संस्था स्थापना, संचालन तथा नवीकरण र स्तरोन्नती ऐन २०७६ लाई संशोधन गर्न बनेको विधेयकमाथि सैद्धान्तिक छलफल हुने र एक विधेयक फिर्ता हुने सम्भावित कार्यसूची रहेको बताईएको छ ।

लुम्बिनी प्रदेश सरकारले यसअघि लुम्बिनी प्रशिक्षण प्रतिष्ठानको स्थापना, संचालन तथा व्यवस्थापन सम्बन्धमा व्यवस्था गर्न बनेको विधेयक प्रदेशसभामा पेस गरेको थियो । प्रदेशसभामा छलफल नभई रोकिएको उक्त विधेयक आजको प्रदेशसभा बैठकबाट फिर्ता गर्ने तयारी थालिएको छ ।