देवदह । देवदह नगरपालिका वडा नम्बर ७ शित्तलनगरस्थित सगरमाथा आवासीय मा.वि.ले कक्षा १० मा अध्ययन गर्ने विद्यार्थीको अभिभावक र शिक्षक बिच अन्तरक्रिया कार्यक्रम आज सम्पन्न गरेको छ । विद्यालयको योजना तर्जुमा एवम् नीति निर्माणमा अभिभावको रायलाई समेत समेट्ने उद्देश्यले कार्यक्रमको आयोजना गरिएको थियो ।
कार्यक्रमलाई सम्बोधन गर्दै विद्यालयका प्राचार्य कृष्ण प्रसाद पौडेलले असल विद्यार्थी उत्पादनमा घर र अभिभावको समेत महत्वपूर्ण भुमका रहने हुँदा अभिभावकले आफ्ना नानीवावुका घरायसी क्रियाकलापमा विषेश निगरानी गर्नुपर्नेमा जोड दिए ।
कार्यक्रममा कक्षा शिक्षकहरु सुमन पाण्डे, दधिराम ज्ञावाली र सुरज पौडेलले आ–आफ्नो कक्षाका विद्यार्थीहरुको समस्टिगत विवरण प्रस्तुत गरे ।
कार्यक्रममा बोल्ने अधिकांश अभिभावकहरुले विद्यालयले घोकन्ते शिक्षामा भन्दा मौलिकता र सिर्जनशील क्रियाकलापमा विशेष जोड दिनुपर्ने बताए ।
७५ जना अभिभावकहरुको उपस्थितिमा रहेको उक्त कार्यक्रम प्राचार्य कृष्ण प्रसाद पौडेलको अध्यक्षता र सह–प्राचार्य प्रदिप अधिकारीको सञ्चालनमा सम्पन्न भयो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)