१५ बर्षिया बालिकालाई बलात्कार गरेको अभियाेगमा एक युवा पक्राउ, एक अझै फरार

सेतोमसी सहकर्मी

१५ बर्षिया बालिकालाई बलात्कार गरेको अभियाेगमा एक युवा पक्राउ, एक अझै फरार

प्रतीकात्मक तस्वीर

अ +
अ
अ -

सुरज श्रेष्ठ, बिरगंज । बिरगंजमा १५ वर्षिया बालिका करणीको अभियाेगमा एक ब्यक्ति पक्राउ परेका छन् । प्रहरीले पर्सागडि नगरपालिकाका दुई अभियुक्तमध्री एक जनालाई बालिका करणी अभियोगमा पक्राउ गरेका हो ।

पर्साको पर्सागढी नगरपालिकाका २० बर्षिय कृष्ण पटेल र बर्ष २० कै कमलेश सहनीले १५ बर्षीय बालिकाको परिवारका सदस्यहरु सुतिरहेको मौका छोपी बालिका सुत्ने कोठामा प्रवेश गरी बालिकालाई डर धम्की दिएर करणी गरेको खुल्न आएको जिल्ला प्रहरी कार्यालय बिरगंजले बताएको छ ।

अभियुक्त दुई जना मध्य एकजना कमलेश सहनीले कोठाको ढोकामा कुरुवा बसी कृष्ण पटेलले बालिकालाई जबरजस्ती करणी गरेको भन्ने अभियोगमा पीडितका वुवाको किटानि जाहेरी को आधारमा अभियुक्त मध्यका कृष्ण पटेललाई मिति बिहिवार जिल्ला प्रहरी कार्यालयबाट खटिएको टोलीले नियन्त्रणमा लिएको प्रहरीले जनाएको छ ।

अभियुक्तलाई जबरजस्ती करणी सम्बन्धी कसूरमा ५ दिन म्याद थप गरी अनुसन्धान प्रकृया अगाडि बढाइएको तथा साथै फरार रहेका कमलेश सहनीको खोजतलास भइरहेको जिल्ला प्रहरी कार्यालयले जानकारि दिएको छ।