रविप्रति घनश्याम भुसालको कटाक्ष: ओली प्रबृत्तिका मानसपुत्र सडकमा नेता बनेर हिडेका छन

सेतोमसी
बैशाख ६, २०८० बुधवार

रविप्रति घनश्याम भुसालको कटाक्ष: ओली प्रबृत्तिका मानसपुत्र सडकमा नेता बनेर हिडेका छन

फाइल फोटो

अ +
अ
अ -

काठमाडौं । नेकपा (एकीकृत समाजवादी) का महासचिव घनश्याम भुसालले नेकपा एमालेका अध्यक्ष केपी शर्मा ओलीलाई यदुवंशी मुसलको संज्ञा दिएका छन्

बुधबार काठमाडौंमा पार्टीनिकट विद्यार्थी संगठन अनेरास्ववियुले आयोजना गरेको शुभकामना आदानप्रदान कार्यक्रमलाई सम्बोधन गर्दै उनले यस्तो आरोप लगाएका हुन् । उनले एमाले अध्यक्ष ओलीका कारण नै वामपन्थी कम्युनिस्टमा मुसल पैदा भएको बताए ।

उनले ओली प्रवृत्तिमा आफूलाई फाइदा हुने सिद्धान्त, आफू विचार र आफ्ना समर्थक मात्रै असल हुन् अरु सबै शत्रु हुन् भन्नेकुरा हाबी भएको बताए । उनले राम्रो पार्टी र राजनीति बिगार्ने काम ओलीले संसद विघटन गरेबाट सुरु भएको जिकिर गरे ।

उनले राष्ट्रिय स्वतन्त्र पार्टीप्रति लक्षित गर्दै उनले वैकल्पिक राजनीतिको नाममा आज ओली प्रवृत्तिका मानसपुत्रहरू सडकमा नेता बनेर हिँडेको टिप्पणी गरे । उनले अनुशासनहीनता र मूल्यहीनताको बीचमा प्रतिस्पर्धा हुँदा नराम्राहरूले जित्ने बताए ।

महासचिव भुसालले राष्ट्रिय जीवन संकटको डरलाग्दो भूमरीनजिक रहेको बताए ।