पर्यटन प्रवर्द्धन गर्ने उद्देश्यले भारत जाँदै पोखरेली व्यवसायी टोली

सेतोमसी
बैशाख ३, २०८० आइतवार

पर्यटन प्रवर्द्धन गर्ने उद्देश्यले भारत जाँदै पोखरेली व्यवसायी टोली

अ +
अ
अ -

राजेश पराजुली, पोखरा । पोखरेली पर्यटन व्यवसायीको एउटा टोली पर्यटन प्रवर्द्धन गर्न भारतका चार वटा सहर जाने भएको छ ।नेपाल टुर्स एण्ड टाभल एजेण्ट (नाट्टा) गण्डकी प्रदेशको आयोजना र पोखरा महानगरपालिकाको सहयोगमा व्यवसायी भारतको पटना, बाराणासी, अयोध्या र गोरखपुर जान लागेका हुन्

नाट्टा गण्डकीले शनिबार पोखरामा पत्रकार सम्मेलन गरेर पोखरा–नेपाल पर्यटन प्रवर्द्धन अभियान र बी टु बी मिट २०२३ कार्यक्रम लिएर आफूहरू आइतबारदेखि पाँच दिनलाई भारत जान लागेको जानकारी दिएको हो । पोखराबाट जाने टोलीले चार वटा सहरका पर्यटनसम्बद्ध सरकारी र निजी संस्थाका प्रतिनिधि, ट्राभल्स टुर्स अपरेटर र पत्रकारलाई भेट्ने छ ।

पोखरासहित गण्डकी प्रदेशका पर्यटकीय गन्तव्य र गतिविधिबारे श्रव्यदृश्य सामग्रीमार्फत उनीहरूलाई जानकारी दिइने नाट्टा गण्डकी अध्यक्ष हरिराम अधिकारीले बताए । गण्डकी प्रदेश शालिग्राम पाइने क्षेत्र भएकाले त्यसलाई प्रचार गर्न सके भारतीय पर्यटक बढाउन सकिने उनले बताए ।
पर्यटन प्रवर्द्धन गर्ने उद्देश्यले भारत जान लागेको टोलीलाई पोखरा महानगरपालिकाले २० लाख रूपैयाँ सहयोग गरेको छ ।