राजेश पराजुली, पोखरा । पोखरास्थित सेती नदी खोंचमा खसेकी बालिकाको निधन भएको छ ।मृत्यु हुनेमा पोखरा महानगरपालिका वडा नं. ८ नागढुंगाकी १२ वर्षीया स्मृति पराजुली रहेकी छन् ।
जिल्ला प्रहरी कार्यालय कास्कीका अनुसार स्मृति आज दिउसो ३ बजेतिर खोंचमा खसेकी थिइन् । उनको करिब साढे दुई घण्टाको प्रयासमा उद्धार गरि उपचारका लागि पश्चिमाञ्चल क्षेत्रीय अस्पताल लगिएकोमा चिकित्सकले मृत घोषणा गरेका थिए ।
कास्की प्रहरीका सूचना अधिकारी प्रहरी नायव उपरीक्षक श्रवण कुमार विकका अनुसार स्मृति काठमाडौंमा बसेर अध्ययन गर्दै आएकी थिइन् । उनी छुट्टिमा पोखरा आएको र केही साथीसँग खेल्न जानेक्रममा सेती खोंचमा खसेकी थिइन् ।
Copyright © All right reserved to setomasi.com
Site By: SobizTrend Technology