सेतोमसी सहकर्मी
फेरि पनि तिमी आयौ
उसै गरि
मैले पत्तै नपाउने गरि
हिजो छुटेको जुनसङ्गै
बिहानीको नौलो किरण बोकेर आयौ
हिजोसम्म भरिएका घनघोर रहरहरु
एकाबिहानै कोइलीको मधुरतासङ्गै
सपना बनाएर आयौ
अञ्जुली भरी साँचिएको, तिम्रो माया
अञ्जुली नभरिदै, तिमी आयौ
हठास थिएन तर तिमी आयौ
रहरहरु भर्ने प्रयासमा आयौ
उमंगहरु छर्ने बहानामा आयौ
आयौ बैशालु योवनमा
नयाँ तरङ्गले जिस्काउन भनी आयौ
म उहीँ छु
जहाँ तिमीले छोडेको थियौ
फरक यति हो
तिमीले पानी मै सिमित छोडेथ्यौ
म बादल बनेर फेरि पानी बनेछु
हावा बनेर फिर्दै थिएँ त्यो बेला
हुरि र भुमरीसङ्गै होमिएर फर्किएछु
भकारिमा थन्किएको धान थिएँ
फेरि रोपिएर पराल र चामलसङ्ग छुटिदै
फेरि भकारी मै समाहित रहेछु
अहिले तिमी आयौ
दशक नै बदल्ने गरि
फेरि आउनेछौ
स्पर्श गर्नेछौ
हरेक पुस्प पुन्जहरु
तर सदा झै अचल अडिरहनेछ
त्यो भित्ताको किला
जहाँ हरेक वर्ष यसैगरी फेरिनेछन्
नयाँ वर्षका नयाँ भित्ते पात्रोहरु
र हराउनेछन् कतै
फैलिएका बगरका ढुङ्गामा
थपिएको अर्को ढुङ्गा जसरि...
लाइशा भुसाल, बुटवल
सेतोमसी सहकर्मी
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology