कृष्ण अन्जान,  गुल्मी । राष्ट्रिय प्रजातन्त्र पार्टीका प्रवक्ता समेत रहेका साँसद ज्ञानेन्द्र शाहीले राष्ट्रियता र राष्ट्रिय स्वाधीनताकाे पक्षमा जुनसुकै मूल्य चुकाउन पनि आफू तयार रहेकाे बताएका छन ।      

रामनवमीकाे अवसरमा रेसुँगा नगर पालिका र गुल्मी दरबार गाउँ पालिकाकाे दाेसाँध राम्चे डाँडामा निर्मित सिताराम लक्ष्मण हनुमान मन्दिरको प्राण प्रतिष्ठा र उदघाटन कार्यक्रममा पुगेका शाहीले भने, 'म सधै राष्ट्रियताकाे पक्षमा छु, सत्ताका लागि कुनै सम्झौता गर्दिन र भ्रष्टाचारका बिरुद्धमा हिँजो मेराे अभियान थियाे, आज पनि छ र भाेलि पनि रहनेछ ।'               

पुर्विय दर्शन वास्तवमा मानवताका पक्षमा रहेकाे बताउँदै उनले यहि दर्शननै सभ्यताको उदगम भएकाे बताए ।        'मुलुक जातिय आधारमा विभाजन गर्ने काम भएकाे छ यदि पृथ्वीनारायण नारायण शाहले देश एकताको सुत्रमा नबाँधेकाे भए विश्व मानचित्रमा नेपाल नहुने र हामी नेपाली  हुने थिएनौँ' शाहीले भने, हाम्रा राष्ट्र निर्माता मार्क्स लेनिन हाेईनन, पृथ्वीनारायण नारायण शाह हुन।'

कार्यक्रममा बाेल्दै दुर्गा वौद्दिक पिठ रुपन्देहीका पिठाधिस १००८ स्वामी विवेकानन्दले गृहस्थ जीवन सन्तति सम्पति र सँस्कारयुक्त हुनुपर्ने बताउँदै आफ्ना सन्ततिलाई सँस्कार युक्त बनाउन आग्रह गरे ।          

 परमात्मालाई प्राप्त गर्नेले शुखानुभुती प्राप्त गर्ने बताउँदै स्वामी विवेकानन्दले याे लाेकबाट परलाेकमा लिएर जानेगरि पराेपकारी काम गर्नु पर्ने बताए ।

कार्यक्रममा बाेल्दै लुम्बिनी प्रदेशका उपसभामुख मेनुका केशि खाँडले पछिल्लो चरणमा मुलुकमा हिन्दु धर्ममाथि चौतर्फी रुपमा प्रहार भएकाे बताउँदै वैदिक सनातनलाई जाेगाउन सबै लाग्नु पर्ने बताईन । गुल्मीका धार्मिक स्थल हरुलाई सँरक्षण सँगै एक अर्कालाई एक आपसमा जाेडेर धार्मिक पर्यटन सर्किट बनाउन आफ्नो तर्फबाट सक्दाे सहयाेग गर्ने प्रतिबद्धता व्यक्त गरिन ।

मन्दिर उदघाटन कार्यक्रममा बाेल्दै लुम्बिनी प्रदेश सभा सदस्य डिल्ली राज भुषालले रेसुँगा क्षेत्रकाे धार्मिक विकासमा आफ्नो तर्फबाट सक्दाे सहयाेग गर्ने बताए । मन्दिर निर्माण कर्ता टाेप बहादुर बस्नेतकाे अध्यक्षतामा भएकाे कार्यक्रममा गुल्मीका प्रमुख जिल्ला अधिकारी सागरमणि पाठक ,विश्व हिन्दु महासँघ गुल्मीका अध्यक्ष शुरेस चन्द्र भुषालले आफ्नो धारणा राखेका थिए  ।   
            
 राम्चे डाँडामा गौँडाकाेट निवासी टाेप बहादुर बस्नेत सुब्बाकाे एकल लगानीमा करिब एक कराेडकाे लगानीमा सिताराम लक्ष्मण हनुमान मन्दिर निर्माण गरिएकाे छ ।