राजेश पराजुली, गण्डकी प्रदेश,चितवन । भरतपुर महानगरपालिका–१५ फुलबारी विष्णु चोकस्थित नेकपा माओवादी केन्द्रको पोलिटव्युरो सदस्य सूर्य सुवेदी ‘पथिक’को घरमा शनिबार राति अज्ञात समुहद्वारा आगजनी गर्ने प्रयास भएको छ। आगजनीबाट घरको अगाडी पट्टिको भाग र पार्किङ गरी राखेको स्कुटरमा आगजनी भएको हो । आगजनीबाट ना ३५ प ७४४९ नम्बरको स्कुटर जलेर नस्ट भएको छ।
ईप्रका फुलवारीबाट प्रहरी बरिष्ठ नायव निरीक्षक ज्ञान बहादुर पाण्डेको कमाण्डमा खटिएको टोलीले आगो नियन्त्रणमा लिएको थियो । आगो किन ,कसले, कसरी लाग्यो भन्ने कुरा अहिलेसम्म नखुलेको तथा घटनाको अनुसन्धान भैरहेको चितवन प्रहरीका प्रवक्ता विजयराज पण्डितले जानकारी दिए ।
यसैबीच माओवादी केन्द्र जिल्ला समन्वय समिति चितवन र भरतपुर महानगर समिति चितवनले आज (आइतबार) छुट्टा छुटै प्रेस विज्ञप्ति जारी गरी दोषी उपर कारबाहीको माग गरेको छ । स्कुटर र घरको अगाडिको भागमा भएको आगजनीबाट क्षति पुगेको माओवादी केन्द्र चितवनका संयोजक रामचन्द्र अधिकारी र भरतपुर महानगर समिति अध्यक्ष इश्वर सापकोटा सुमनद्वारा जारी विज्ञप्तिमा उल्लेख छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology