शहिद दिवस: भ्रष्ट्रचाररहितको राज्य निर्माण गर्ने लुम्बिनीका प्रदेश प्रमुख र मुख्यमन्त्री प्रतिवद्धता

सेतोमसी
माघ १६, २०७९ सोमवार

शहिद दिवस: भ्रष्ट्रचाररहितको राज्य निर्माण गर्ने लुम्बिनीका प्रदेश प्रमुख र मुख्यमन्त्री प्रतिवद्धता

अ +
अ
अ -

बुटवल । लुम्बिनी प्रदेशका प्रदेश प्रमुख र मुख्यमन्त्रीले शहीदहरुप्रति श्रद्धाञ्जली अर्पण गरेका छन । शहिद दिवसको दिन सोमबार बिहानै श्रद्धाञ्जली सन्देश जारि गर्दै प्रदेश प्रमुख अमिक शेरचन र मुख्यमन्त्री लिला गिरीले शहीदहरुप्रति उच्च सम्मान प्रकट गर्दै शहीद दिवसले सबै नेपालीमा समावेशी, सुशासन तथा भ्रष्ट्रचाररहितको राज्य व्यवस्था निर्माण गर्ने प्रतिवद्धता व्यक्त गरेका छन् ।

श्रद्धाञ्जली सन्देशमा प्रमुख शेरचनले लेखेका छन्, "शहिदको बलिदानले हौसला र उत्प्रेरणा जगाउन सफल होस भन्ने आशा र विश्वासका साथ शहीदहरुप्रति उच्च सम्मान व्यक्त गर्दछ। "

त्यसैगरी मुख्यमन्त्री लिला गिरीले पनि देश र जनताको हितका निम्ति प्राप्त गरेका उपलब्धिहरु शहीदहरुको बलिदानबाट मात्र सम्भव भएको तथ्यलाई स्मरण गर्दै शहीदहरुको जीवन उत्सर्गले आलोकित मार्गमा हिड्नका लागि प्रेरित हुने र शहिदका सपना साकार पार्न प्रण गरेका छन्।

राणा शासनको अन्त्यका लागि आन्दोलन गरेको आरोपमा तत्कालिन प्रजापरिषदका सदस्यहरूलाई राणा शाषकले मृत्युदण्ड दिएको सम्झनामा शहीदहरू शुक्रराज शास्त्री, गंगालाल श्रेष्ठ, धर्मभक्त माथेमा र दशरथ चन्दको सम्मान र सम्झनामा आज माघ १६ गते शहिद दिवस मनाउने गरिन्छ।