सहिद वसन्त पौडेलको स्मृतिमा नि:शुल्क दन्त परिक्षण

राहुल देव सापकोटा
पौष २१, २०७९ बिहिवार

सहिद वसन्त पौडेलको स्मृतिमा नि:शुल्क दन्त परिक्षण

अ +
अ
अ -

राहुल देव सापकोटा, देवदह । रुपन्देहीको देवदहमा सहिद वसन्त पौडेलको पाँचौ स्मृतिमा स्मृति सभा एवम नि:शुल्क दन्त परिक्षण कार्यक्रम सम्पन्न भएको छ।

वि सं २०७४ साल पौष २१ गते अज्ञात समुहद्वारा गोलि प्राहरबाट पौडेलको मृत्यु भएको थियो, पछि उनलाई सरकारले सहिद घोषणा गरेको थियो ।

राजनीतिमा समेत संलग्न पौडेल काठ व्यापारी थिए। देवदह नगरपालिका वडा नम्बर ३ मा रहेको आफ्नै काठको उद्योगमा बसिरहेका बेला अज्ञात समुहले गोलि हानेर उनको हत्या गरेको थियो ।

उनै पौडेलको सम्झनामा आज पौष २१ गते देवदह नगरपालिका वडा नम्बर ३ मा रहेको आदिवासी जनजाती महासङ्घको भवनमा सो कार्यक्रम आयोजना गरिएको हो ।

कार्यक्रममा बोल्दै प्रमुख अतिथि एवम देवदह नगरपालिकाका नगर प्रमुख धुर्व प्रसाद खरेलले सहिदको समाजप्रतीको योगदानको चर्चा गर्दै सहिदले देखाएको बाटोमा सबैलाइ हिँडन आग्रह गरे ।

स्मृति दिवसमा आयोजित नि:शुल्क दन्त परिक्षण शिविरमा ७३ जनाले दन्त परिक्षण गराएका छन ।

कार्यक्रम सहिद दुर्गा वसन्त स्मृती प्रतिष्ठानका अध्यक्ष दिपेश बिक्रम मल्लको अध्यक्षता, संस्थाकी उपाध्यक्ष सरस्वती पोख्रेलको स्वागत र सचिब गोपाल पान्डेको संचालनमा सम्पन्न भएको थियो।