राजेश पराजुली, गण्डकी प्रदेश । चितवनमा ठुलो मात्रामा लागु औषध सहित चार जना पक्राउ परेका छन् । पक्राउ पर्नेमा भारतको बिहारका ३८ वर्षिय सुनिल कुमार, १९ बर्षिय बिकास कुमार , ५० वर्षिय राजन ठाकुर र बाराको गढीमाई नगरपालिका वडा नम्बर १९ की ३५ वर्षिया प्रतिमा मण्डल रहेको जिल्ला प्रहरी कार्यालय चितवनले जनाएको छ ।
जिल्ला प्रहरी कार्यालय चितवनका प्रबक्ता विजयराज पण्डितका अनुसार उनीहरुलाई आज बिहान ११ः १० वजे भरतपुर बसपार्क चोकबाट पक्राउ गरिएको हो । पक्राउ परेका उनीहरुको साथबाट १ हजार एम्पुल डाइजेपाम, १ हजार एम्पुल व्युप्रिनर्फिन, फेनारगन १ हजार एम्पुल र १४० मिलिग्राम खैरो हेरोईन फेला परेको उनले जानकारी दिए ।
यस्तै मोवाईल चार थान, डिएल ७ सिएम १५७६ नम्बरको भारतीय कार समेत बरामद गरिएको र उनीहरुमाथी थप अनुसन्धान भईरहेको प्रहरीले जनाएको छ ।
शुक्रबार बिहान ११:१० बजे वीरगन्जबाट नारायणगढतर्फ आईरहेको भारतीय कारमा लागु औषध ओसारोपोसार भई भन्ने सूचनाको आधारमा प्रहरी निरीक्षक सुवास भट्टको कमाण्डमा खटिएको प्रहरी टोलीले डिएल ७ सिएम १५७६ नम्बरको कार चेकजाँच गर्दा उक्त लागु औषध फेला परेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology