राजेश पराजुली, काठमाडौँ । एशियाली विकास बैंक (एडिबी)ले किसानको जीविकोपार्जनका लागि (सात करोड अमेरिकी डलर) करिब आठ अर्ब ८४ करोड रुपैयाँ ऋण सहयोग स्वीकृत गरेको छ ।
यस सहयोगमा छ करोड डलर सहुलियतपूर्ण ऋण सहायता र बाँकी एक करोड डलर एसिया विकास कोषबाट अनुदान सहायता रहेको बैङ्कले जनाएको छ ।
उक्त सहयोग रकमले प्रदेश बागमती, गण्डकी, कर्णाली र सुदूरपश्चिमका पहाडी जिल्लामा सम्भावित खाद्य असुरक्षाको जोखिम कम गर्न तथा फलफूलको उत्पादन र उत्पादकत्व वृद्धि गर्न योगदान गर्ने सो बैङ्कले जनाएको छ ।
यसबाट ३० हजार किसानले प्रत्यक्ष फाइदा लिनेछन् भने जलवायु परिवर्तनको असर सामना गर्ने गरी १० हजार हेक्टर क्षेत्रफलमा फलफूल खेती गर्नमा ऋणको प्रयोग गरिनेछ ।
यसबाट किसान समूह र सहकारी संस्थाहरूलाई लागत साझेदारी गर्ने गरी अनुदान दिइनेछ ।
सरकारले घोषणा गरेको फलफूल दशक (सन् २०१६–२०२६) कार्यान्वयन गरी पहाडी क्षेत्रको फलफूल खेतीलाई विस्तार गर्न सहयोग पुग्ने सो एडिबीले जनाएको हो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology