बुहारीको मुख हेर्दा सासुले दिईन् २५ लाखको जीवन बीमा उपहार

सेतोमसी
श्रावण ४, २०७९ बुधवार

बुहारीको मुख हेर्दा सासुले दिईन् २५ लाखको जीवन बीमा उपहार

अ +
अ
अ -

देवदह । विवाह पश्चात घरमा बुहारी भित्रिएपछि बुहारीको मुख देखाई कार्यक्रम हुन्छ । यस्तो कार्यक्रममा सासु–ससुराले केही दक्षिणा वा कुनै बस्तु दिएर बुहारीको मुख हेर्ने गरिन्छ । तर पश्चिम नवलपरासीका एक दम्पतिले भने घरमा भित्रिएकी बुहारीलाई बीमा पोलीसी उपहार दिएर बुहारीको मुख हेरेका छन् ।

पश्चिम नवलपरासीको सुनवल नगरपालीका ३ नदुवा निवासी घनबहादुर थाापा र कमला थापाको दम्पतीले नयाँ दाम्पत्य जीवनको सुरुवात गरेका आफ्ना छोरा सुरज थापा र बुहारी कृष्टिना बोहोरालाई जीवन बीमालेख उपहार दिएका हुन् ।

नयाँ दाम्पत्य जिवनको सुरुवात गरेका छोरा बुहारीको जोडिलाई जिवनमा बचत गर्ने बानीको बिकास गराउने उद्धेश्य र बीमा गर्नाले जीवन जोखिम हुँदा आर्थिक सहयोग प्राप्त गरिने भएकाले छोरा बुहारीलाई जीवन बीमा उपहार दिएको आमा कमला थापाले बताईन् ।

कमला थापा सिटिजन लाइफ इन्स्योरेन्स कम्पनी देवदह शाखाकी एजेन्सी म्यानेजर समेत हुन् ।

सोही कम्पनीको सोही शाखाबाट २५ लाखको शुभारम्भ योजना खरिद गरी उनले विमा गरिदिएकी हुन् ।

जीवनमा विपत्तिले निम्त्याउने आर्थिक समस्याको समाधान गर्न दाइजो भन्दा जीवन बीमा उत्तम हुने र यसले जीवन जोखिम हुँदा आर्थिक सहयोग प्रदान गर्ने भएकाले बिमा गरिदिएको उनको भनाइ छ ।