हेटौँडा । शिक्षा तथा खेलकुदमन्त्री सस्मित पोखरेलको प्रमुख आतिथ्यतामा हेटौँडामा प्रदेशका शिक्षामन्त्री तथा प्रदेश विश्वविद्यालयहरूको सम्मेलन सुरु भएको छ ।
शुक्रबारसम्म सञ्चालन हुने सम्मेलनको उद्देश्य शिक्षा क्षेत्रको विकास, उच्च शिक्षाको गुणस्तर सुधार र प्रदेशहरूबीच सहकार्य बढाउनु रहेको छ ।
बागमती विश्वविद्यालयका अध्यक्ष प्रा. डा. चन्द्रमणि पौडेलको अध्यक्षतामा सुरु भएको सम्मेलनमा बागमती प्रदेशका मुख्यमन्त्री किरण थापा मगरसहित विभिन्न प्रदेशका मन्त्री, विश्वविद्यालयका पदाधिकारी, सरकारी अधिकारी तथा शिक्षा क्षेत्रका विज्ञ सहभागी छन् ।
सम्मेलनमा सातै प्रदेशका शिक्षा क्षेत्रका उपलब्धि, असल अभ्यास र चुनौतीबारे अनुभव आदानप्रदान गरिनेछ। साथै, संघ र प्रदेशबीचको समन्वय, प्रदेश विश्वविद्यालयको संस्थागत विकास तथा उच्च शिक्षाको गुणस्तर अभिवृद्धिबारे छलफल हुनेछ ।
दुई दिनसम्म चल्ने सम्मेलनले प्रदेशस्तरको शिक्षा प्रणाली प्रभावकारी बनाउन र उच्च शिक्षाको विकासका लागि साझा रणनीति तथा नीतिगत उपाय तय गर्न सहयोग पुग्ने अपेक्षा गरिएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
