सप्तरी । सप्तरीबाट प्रहरीले करिब १४ सय किलो लागुऔषध गाँजासहित एक जनालाई पक्राउ गरेको छ ।
डाक्नेश्वरी नगरपालिका–६ स्थित कटैया गाउँमा गएराति करिब पौने १ बजे भोला सदाको घरमा खानतलासी गर्दा ठूलो परिमाणमा गाँजा बरामद भएको हो । घरमा ठूलो परिमाणमा गाँजा लुकाएर राखिएको विशेष सूचनाका आधारमा सशस्त्र प्रहरी बल नेपाल सीमा सुरक्षा गुल्म पातो र नेपाल प्रहरीको संयुक्त टोलीले सदाको घरमा खानतलासी गरेको थियो ।
खानतलासीका क्रममा ५६ वटा बोरामा प्याक गरेर राखिएको अवस्थामा करिब १४ सय किलोग्राम गाँजा बरामद भएको प्रहरीले जनाएको छ । गाँजासहित पक्राउ परेका सदालाई आवश्यक अनुसन्धान तथा कानुनी कारबाहीका लागि जिल्ला प्रहरी कार्यालय सप्तरी लगिएको छ ।
सीमावर्ती गाउँ भएकाले बरामद गाँजा भारततर्फ लैजानका लागि लुकाएर राखिएको हुन सक्ने आशंका गरिएको प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology