ज्यो. पं युवराज अधिकारी । आज मिति २०७८ बैशाख २५ गते शनिबार । तदनुसार ८ मे २०२१ । श्री शनिदेवको दर्शन गरी आजको पञ्चाङ्ग र राशिफल हेर्नुहोस । 

पञ्चाङ्ग :
वि.सं. वैशाख २५, २०७८ । ई.सं. 07 May, 2021 । शक संवत् १९४३ । नेपाल संवत् ११४१ चौलागा । उत्तरायण । ऋतु - वसन्त । वार - शनिवार  । वैशाख कृष्णपक्ष । तिथि - द्वादशी, १८:४९ बजे उप्रान्त त्रयोदशी । नक्षत्र - उत्तरभाद्रपदा, १६:२८ बजे उप्रान्त रेवती । योग - विष्कम्भ, २१:३९ बजे उप्रान्त प्रिती। करण - कौलव ६:१७ बजेदेखि तैतिल, १८:४९ बजे उप्रान्त गर। चन्द्रराशि - कुम्भ । आनन्दादि योग - ध्वज । दिनमान ३३ घडी ०५ पला । सूर्योदय ५:२१ । सूर्यास्त १८:४० । पञ्चक, रेडक्रस दिवस ।

आजको राशिफल :

मेष  (चु, चे, चो, ला, ली, लु, ले, लो, अ) 
मानसिक तथा शारीरिक समस्याले सताउने छ । धनक्षय हुने दिन रहेको छ । बहुमुल्य सामान हराउन सक्नेछ । काममा बाधा व्यवधन आउने छ । कुरा काट्नेहरु प्रसस्त भेटिनाले अपयश मात्र हात लाग्नेछ । अध्ययनमा मन जानेछैन । अनावश्यक यात्राहरु हुनेछन् । व्यवसायमा घाटा होला ।

बृष (ई, उ, ए, ओ, वा, वी, वु, वे, वो)  
आर्थिक उन्नति प्रगतिहुने दिन रहेको छ । पराक्रम बढने तथा काममा सफलता मिल्नाले मन प्रसन्न रहनेछ । इष्टमित्रसंग भेटघाट हुनेछ । यात्रा तथा धनलाभहुने दिन रहेको छ । व्यवसायबाट फाइदा हुने दिन छ । आफन्तबाट प्रसस्त मात्रमा सहयोग प्राप्त हुनेछ । अध्ययनको क्षेत्र सफल रहनेछ ।

मिथुन (का, की, कु, घ, ङ, छ, के, को, हा)  
आज कुनै नयाँ कामको थालनि हुनेछ । आज ऐश्वर्य प्राप्त हुनेछ । मनले चिताएको काममा सफलता मिल्ने योग छ।  इष्ट सिद्धि हुनेछ । रोकिएका कामहरु पुरा हुनेछन् । तिव्रतापूर्वक काम गर्दा वेस हुनेछ । कर्मको फल प्राप्त हुनेछ । विद्यार्थी तथा व्यापारीहरुका लागि आजको दिन विशेष फलदायी रहनेछ ।

कर्कट (ही, हु, हे, हो, डा, डी, डु, डे, डो)
परिवार तथा सन्तानबाट असहयोग प्राप्त हुनेछ । अध्ययनमा रुचि वढनेछ । व्यापार व्यवसायमा राम्रो फाइदा हुने दिन रहेको छैन । सरकारी काममा झमेला हुनेछ । रोजगारी तथा व्यवसायबाट फाइदा हुनेछैन । पेटमा वायुविकार जन्य समस्या आउनेछ । खानपानमा विशेष सतर्कता अपनाउनु होला ।

सिंह (मा, मी, मु, मे, मो, टा, टी, टु, टे)
स्वास्थ्य सम्वन्धी समस्याले सताउनेछ । वादविवाद तथा झगडा हुन सक्नेछ । मन साह्रै चिन्तित रहला । आज खर्चमा वृद्धि हुनेछ । वादविवाद हुन सक्नेछ सतर्क रहनु होला । जिवजन्तुको भए रहनेछ । अध्ययन तथा वैतनिक मार्ग फलदायी रहने छैन । आज नयाँ कामको थालनि नगरेकै राम्रो हुनेछ ।

कन्या (टो, पा, पी, पु, ष, ण, ठ, पे, पो)  
धनलाभ हुने दिन छ । यात्रा तथा सवारी साधनबाट फाईदा हुनेछ । मीठो कुरा खानपाईने दिन रहेको छ । मित्रबाट पूर्ण सहयोग मिल्नेछ । परिवारबाट सहयोग मिल्नेछ । व्यवसायबाट प्रसस्त आम्दानी हुने दिन रहेको छ । मान-प्रतिष्ठा बढ्ने योग छ । पढाइमा सफलता मिल्ने दिन रहेको छ ।

तुला (रा, री, रु, रे, रो, ता, ती, तु, ते)
व्यवसायबाट फाईदा हुनेछ । स्वास्थ्यले साथ दिनेछ । श्रीवृद्धि तथा यश प्राप्त हुनेछ । शत्रु सरास्त हुनेछन् । विपरीत लिंगीसंगको कुराकानिले मन साह्रै प्रसन्न हुनेछ । मनले चिताएको काम पुरा हुनेछ । प्रेममा सफल हुने दिन छ । विद्यार्थीका लागि अध्ययन क्षेत्र फलदायी रहेका छन् ।

वृश्चिक (तो, ना, नी, नू, ने, नो, या, यी, यू)  
धनक्षय(अपव्यय) हुनेछ मेहनतसाथ गरेको काम सफल हुनेछैन । यात्रा अर्थपूर्ण नहोला । मन अशान्त रहनेछ । धन तथा सामान हराउन सक्नेछ सजगता अपनाउनु होला । व्यापार व्यवसायबाट त्यति आम्दानी हुनेछैन । विद्यार्थीहरुका लागि आजको दिन त्यति फलदायी हुनेछैन ।

धनु (ये, यो, भा, भी, भू, धा, फा, ढा, भे)
परिवारका सदस्यहरुसंग मतभेद हुन सक्ने योग छ । मन साह्रै चञ्चल हुनेछ । पेट सम्वन्धी समस्या आउने छ । अनावश्यक खर्चमा वृद्धि हुनेछ । आज नयाँकामको थालनि नगरेको राम्रो काम विग्रनेछ । मन अस्थिर रहनेछ । काममा सफलता मिल्ने छैन । अध्ययन तथा वैतनिक क्षेत्र अशुभ रहने छ ।

मकर (भो, जा, जी, खी, खु, खे, खो, गा, गी) 
धन आर्जनगर्ने अवसर मिल्नेछ । शत्रु परास्त हुनाले मन प्रशन्न हुनेछ । मित्रहरुको साथ र सहयोग प्राप्त हुनेछ । प्रेममा सफल हुने योग छ । उपहार प्राप्त हुनेछ । आजको दिन सुखद् तथा प्रेमिलरुपमा व्यतित हुनेछ । विद्यार्थी भाइबहिनीहरुका लागि आजको दिन राम्रो रहेको छ ।

कुम्भ (गू, गे, गो, सा, सी, सु, से, सो, दा)
शरीरमा समस्या आउन सक्नेछ । मनमा असन्तोष बढनेछ । स्वास्थ्य सम्बन्धि समस्या देखिनेछ । अनावश्यक रुपमा धनक्षय हुनेछ । आज कटुवचनको प्रयोग नगर्नुहोला । अनावश्यक रुपमा विवाद उत्पन्न हुन सक्नेछ । आँखाको समस्याले सताउनेछ । खानपानमा ख्याल गर्नुहोला ।

मीन (दी, दू, थ, झ, ञ, दे, दो, चा, ची)  
स्वास्थ्य राम्रो रहने छ । मनमा सुखको अनुभुति हुनेछ । सभा तथा समारोहमा सहभागि हुने अवसर मिल्नेछ । पारिवारीक सुख प्राप्त हुनेछ । स्वादिष्ट भोजन तथा उपहार प्राप्तहुने योग रहेको छ । अन्नलाभ हुनेछ । विद्यार्थीहरुको अध्ययनको क्षेत्र राम्रो रहनेछ । व्यवसायवाट प्रसस्त आम्दानी होला ।