बाढी प्रभावित पत्रकार र सञ्चारमाध्यमलाई लुम्बिनी प्रेस क्लबको १ लाख सहयोग

सेतोमसी
भाद्र १७, २०८३ बुधवार

बाढी प्रभावित पत्रकार र सञ्चारमाध्यमलाई लुम्बिनी प्रेस क्लबको १ लाख सहयोग

अ +
अ
अ -

रुपन्देही । रसुवा, नुवाकोट र गोरखामा आएको बाढी तथा पहिरोबाट प्रभावित पत्रकार र सञ्चारमाध्यमको लागि लुम्बिनी प्रेस क्लबले १ लाख रुपैयाँ सहयोग गर्ने निर्णय गरेको छ ।

क्लबको आकस्मिक बैठकले बाढीका कारण सम्पर्कविहीन भएका पत्रकारको खोज तथा उद्धारसँगै प्रभावित पत्रकार, सञ्चारकर्मी र सञ्चारमाध्यमलाई आवश्यक सहयोग उपलब्ध गराउने निर्णय गरेको हो ।

क्लबका उपाध्यक्ष दीपेन्द्र बडुवालका अनुसार नेपाल पत्रकार महासंघको केन्द्रीय कार्यालय र प्रेस काउन्सिल नेपालसँग समन्वय गरी उक्त रकम उपलब्ध गराइनेछ । बाढी प्रभावित क्षेत्रमा सम्पर्कविहीन पत्रकारको तत्काल खोज तथा उद्धारलाई प्राथमिकता दिन क्लबले सरकारसँग आग्रहसमेत गरेको छ ।

क्लबका अध्यक्ष कमल रायमाझीले विपद्का कारण सञ्चारकर्मी र सञ्चारमाध्यमसमेत प्रभावित भएकाले उनीहरूको सुरक्षा र उद्धारलाई राज्यले प्राथमिकतामा राख्नुपर्ने बताए ।

उनले प्रभावित क्षेत्रमा उद्धार कार्यलाई थप तीव्र बनाउन सरकार तथा सम्बन्धित निकायसँग आग्रह गरिएको जानकारी दिए ।