कोलम्बो टेस्टको पहिलो दिन भारत बलियो अवस्थामा, पडिक्कलको शतक

सेतोमसी
भाद्र ७, २०८३ आइतवार

कोलम्बो टेस्टको पहिलो दिन भारत बलियो अवस्थामा, पडिक्कलको शतक

अ +
अ
अ -

काठमाडौँ । भारत र श्रीलंकाबीच जारी कोलम्बो टेस्टको पहिलो दिनको खेल सकिँदा भारतले ८५ ओभरमा पाँच विकेट गुमाएर ३०० रन बनाएको छ । भारतका लागि देवदत्त पडिक्कलले उत्कृष्ट ११७ रनको शतकीय पारी खेलेका थिए ।

दिनको खेल सकिँदा ध्रुव जुरेल ७ रन र सारांश जैन ४ रनमा अविजित छन् । त्यस्तै जडेजाले ८३ बलमा ४३ रन बनाए । यसअघि केशारा नुवान्थाले देवदत्त पडिक्कललाई ११७ रनमा बोल्ड गरेका थिए । पडिक्कलले १९३ बलमा १२ चौकाको सहयोगमा शतक पूरा गरेका हुन् । यो उनको टेस्ट करिअरको दोस्रो शतक हो । श्रीलंकाविरुद्ध लगातार दोस्रो टेस्टमा शतक बनाएपछि पडिक्कल उत्कृष्ट लयमा देखिएका छन् ।

यसअघि गाले टेस्टको पहिलो पारीमा पडिक्कलले १६७ रन बनाएका थिए । दोस्रो पारीमा उनले ४४ रन बनाएका थिए । कोलम्बोमा पनि शतक बनाएपछि उनले भारतको तेस्रो क्रमको ब्याटरका रूपमा आफ्नो दाबी थप बलियो बनाएका छन् ।

भारतका कप्तान शुभमन गिलले ५० रन बनाएर आउट भए भने केएल राहुल १८, यशस्वी जयसवाल ४५ रनमा आउट भए । ऋषभ पन्त ३ रन बनाएर चोटका कारण अवकाश लिएर मैदानबाट बाहिरिएका थिए ।

त्यस्तै, श्रीलंकाका बलर असिथा फर्नान्डोले सर्बाधिक ३ विकेट लिए भने लाहिरु कुमारा र केशारा नुवान्थाले एक एक विकेट लिए ।