काठमाडौँ । थाइल्यान्डबाट नेपाल ल्याइएको ८ किलो २३८ ग्राम गाँजासहित दुई म्यान्मार नागरिक पक्राउ परेका छन् ।
लागुऔषध नियन्त्रण ब्युरोले त्रिभुवन अन्तर्राष्ट्रिय विमानस्थलबाट खटिएको प्रहरी टोलीले शंकास्पद यात्रुमाथि निगरानी गर्ने क्रममा उनीहरूलाई पक्राउ गरेको हो । थाइल्यान्डको सुवर्णभूमिबाट नेपाल आएका उनीहरू नेपाल वायुसेवाको उडान नम्बर आरए ४०२ मार्फत काठमाडौँ आएका थिए ।
पक्राउ पर्नेमा म्यान्मारको याङ्गुनकी २७ वर्षीया ए थिदा आङ र २९ वर्षीय नाय थु रेन रहेका छन् । उनीहरूले सुटकेसभित्र लुकाएर गाँजा ल्याएको प्रहरीले जनाएको छ ।
प्रहरीले उनीहरूको साथबाट ८ किलो २३८ ग्राम गाँजा, दुई थान राहदानी र दुई थान मोबाइल बरामद गरेको छ । पक्राउ परेकामाथि थप अनुसन्धान भइरहेको प्रहरीले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology