सगरमाथामा शिक्षक–अभिभावक अन्तरक्रिया

सेतोमसी
श्रावण ३१, २०८३ आइतवार

अ +
अ
अ -

देवदह । देवदह–७ शीतलनगरस्थित सगरमाथा आवासीय माध्यमिक विद्यालयमा कक्षा एलकेजीमा अध्ययनरत विद्यार्थीका अभिभावक, शिक्षक र विद्यालय प्रशासनबीच त्रिकोणात्मक अन्तरक्रिया कार्यक्रम सम्पन्न भएको छ ।

शिक्षक र अभिभावकबीच पारस्परिक सम्बन्ध स्थापित गर्दै विद्यार्थीको सिकाइ प्रक्रियालाई सहज बनाउने उद्देश्यले कार्यक्रम आयोजना गरिएको विद्यालयले जनाएको छ ।

कार्यक्रममा विद्यालयका सहप्राचार्य प्रदीप अधिकारीले शिक्षक र अभिभावकबीच सकारात्मक तालमेल कायम हुन सके बालबालिकाको सिकाइ उपलब्धि र व्यक्तित्व विकासमा महत्वपूर्ण योगदान पुग्ने बताए ।

कार्यक्रममा सहभागी अधिकांश अभिभावकले विद्यालयले प्रयोग गर्दै आएको व्यावहारिक तथा आधुनिक शिक्षण पद्धतिको प्रशंसा गरेका थिए । सो अवसरमा एलकेजीका कक्षा शिक्षक अम्बिका गैरे, सीता कँडेल र स्मृति ढकालले विद्यार्थीको समष्टिगत शैक्षिक विवरण प्रस्तुत गरेका थिए ।

कार्यक्रममा ७० भन्दा बढी अभिभावकको सहभागिता रहेको थियो । कार्यक्रम संयोजक रस्सा केसीको सञ्चालनमा भएको कार्यक्रममा विद्यालय सञ्चालक कल्पना पौडेल तथा शिक्षक दधिराम ज्ञवाली, डिल्लीराम पराजुली र विशन घलेले सहजीकरण गरेका थिए ।