नन्दन यादव घाइते, विश्वकप लिग-२ का बाँकी खेल गुमाउने

सेतोमसी
श्रावण ११, २०८३ सोमवार

नन्दन यादव घाइते, विश्वकप लिग-२ का बाँकी खेल गुमाउने

अ +
अ
अ -

काठमाडौँ । नेपाली राष्ट्रिय किकेट टिमका तीव्र बलर नन्दन यादव घाइते भएका छन् ।

यादवको ह्यामस्ट्रिङ इन्जुरिका कारण नेदरल्यान्ड्समा जारी विश्वकप लिग-२ का बाँकी खेल गुमाउने भएको नेपाल क्रिकेट संघ (क्यान) ले जनाएको छ ।

मंगलबार नामिबियासँगको पहिलो खेलमा उनी असहज महसुस गर्दै मैदान छाडेका थिए । त्यसपछि उनी बिहीबार नेदरल्यान्ड्सविरुद्धको दोस्रो खेल खेलेका थिएनन् । नेपाली टोलीमा १६औं खेलाडीका रूपमा अर्का तीव्र बलर हेमन्त धामी रहेका छन्, सम्भवतः नन्दनको स्थानमा हेमन्त नेपालको १५ सदस्यीय टोलीमा आउनेछन् ।

यस सिरिज अन्तर्गत नेपालले आज नामिबियासँग र बुधबार नेदरल्यान्ड्ससँग खेल्ने तालिका छन् । यस अघि नेपालले नामिबिया र नेदरल्यान्ड्ससँगका खेलमा हार बेहोरेर सिरिजमा खराब शुरुवात गरेको छ ।