देवदहमा ६० प्रतिशत मतगणना : प्रमुख र उपप्रमुखमा एमालेको अग्रता (उम्मेदवारको मत सहित)

सेतोमसी
जेठ ३, २०७९ मंगलवार

देवदहमा ६० प्रतिशत मतगणना : प्रमुख र उपप्रमुखमा एमालेको अग्रता (उम्मेदवारको मत सहित)

अ +
अ
अ -

देवदह । देवदह नगरपालिकामा ६० प्रतिशत बढी मतगणना सम्पन्न भएको छ । यो समाचार तयार पार्दासम्म २१ हजार ८ सय मतगणना भएकोमा प्रमुख र उपप्रमुख दुबै पदमा नेकपा एमालेका उम्मेदवारले अग्रता कायम गरेका छन् । हालसम्म प्रमुखमा एमालेका ध्रुब प्रसाद खरेलले ७२५६ मत प्राप्त गरेका छन् भने कांग्रेसका हिराबहादुर खत्रीले ६८२२ मत प्राप्त गरेका छन् । यसरी हेर्दा खत्री खरेलभन्दा ४ सय बढी मतले पछाडि परेका छन् ।

सुरुवाती अग्रता लिएका खत्रीलाई वडा नं. २ ले थोरै पछी धकेलेको थियो । त्यसपछि क्रमश वडा नं. ५ र ६ मा खत्री पछि परेपछि हाल मतान्तर ४ सय नाघेको हो । यद्यपि अझै ४० प्रतिशत गणना बाँकि नै रहेकोले नतिजा कस्को पक्षमा आउँछ भनेर आँकलन गर्न सक्ने अवस्था छैन ।

त्यसैगरी प्रमुख पदका अर्का प्रत्यासी राप्रपाका माधव रिमालले २०३५ मत प्राप्त गर्दा जनमुक्तिले २६७, जनमत पार्टीले २११, एकीकृत समाजवादीले १७४, मंगोल अर्गनाइजेसनले १५३, नेपाल दलित पार्टीले ७४, राष्ट्रिय जनमोर्चाले १६ र पुतली चिन्हले १ मत प्राप्त गरेकोछ ।

यता नगर उपप्रमुखमा एमालेकै विद्यालक्ष्मी गुरुङले फराकिलो मतान्तरले अग्रता कायम गरिरहेकी छन् । उनलाई माओवादी केन्द्रकी सुन्दरी गिरीले पछ्याईरहेपनि मतान्तर अत्यन्तै फराकिलो भएकोले गिरि निकै पछि परेकी छन् । उपप्रमुखमा हालसम्म गुरुङले ७७३४ र गिरीले ४१६५ मत प्राप्त गरेका छन् ।

त्यसैगरी राप्रपाकी निर्मला जीसीले २६९२ मत पाएकी छ्न भने जनमत पार्टीले ३७५, मंगोल अर्गनाइजेसनले २५६, एकीकृत समाजवादीले २०८, नेपाल दलित पार्टीले ९५ र स्वतन्त्र उम्मेदवार प्रेम थापाले १५३ मत प्राप्त गरेका छन् ।