स्वास्थ्य सम्बन्धि दुईदिने पुनर्ताजगी तालिम सम्पन्न, १३ जना स्वयंसेविका सम्मानित

सेतोमसी
फाल्गुण २१, २०७८ शनिवार

स्वास्थ्य सम्बन्धि दुईदिने पुनर्ताजगी तालिम सम्पन्न, १३ जना स्वयंसेविका सम्मानित

अ +
अ
अ -

देवदह । देवदहमा जारी महिला स्वास्थ्य स्वयंसेविकालाई दिईने दुईदिने पुनर्ताजगी तालिम आज सम्पन्न भएको छ ।

११२औं अन्तर्राष्ट्रिय श्रमिक महिला दिवसको अवसरमा उपप्रमुखसंग महिला कार्यक्रम अन्तर्गत आयोजना गरिएको उक्त तालिमको समापन कार्यक्रममा बोल्दै नगरप्रमुख खत्रीले स्वास्थ्य क्षेत्रको विकासमा महिला स्वयंसेविकाहरूको योगदान अतुलनिय रहेको उल्लेख गरे ।

समापन कार्यक्रममा प्रशिक्षार्थिको तर्फबाट बोल्दै राधा गिरि, मिना श्रेष्ठ र सरिता भुषालले पुनर्ताजगी तालिमले स्वास्थ्य स्वयंसेविकाको व्यक्तित्व विकासमा महत्वपुर्ण योगदान दिएको भनाई व्यक्त गरेका थिए ।

कार्यक्रममा स्वास्थ्य क्षेत्रमा पुर्याएको योगदानको कदर गर्दै १३ जना महिला स्वयंसेविकालाई सम्मान समेत गरिएको छ । महिला स्वयंसेविकाहरु नरमाया छन्त्याल, मिना श्रेष्ठ, देवी ढकाल, तुल्सा आचार्य, विन्तेनदेवी कलवार, राधा गिरि, अनिता डुम्रे, निर्मलादेवी थारू, कुमारी विन्दु, भगवती आचार्य, लक्ष्मी सारु, आशा कुवँर र अक्लुङ निसालाई नगद ४ हजार सहित दोसल्ला र सम्मान पत्रले सम्मानित गरिएको हो ।

देवदह नगरपालिकाका उपप्रमुख विद्यालक्ष्मी गुरुङको अध्यक्षतामा सम्पन्न उक्त कार्यक्रममा नगरपालिकाका प्रमुख प्रशासकीय अधिकृत डिल्लिराज बेल्वासे, स्वास्थ्य शाखा प्रमुख काशिनाथ बन्जाडे, वडा नम्बर २ का वडा अध्यक्ष धर्मागत पाण्डे, ,प्रशिक्षक देवदह स्वास्थ्य चौकीका इन्चार्ज दिलेश्वर श्रेष्ठ लगायतले बोलेका थिए।