तान्जानियामा विरोध प्रदर्शन

तान्जानियामा विरोध प्रदर्शनमा सरकारको दमन, सयौंको मृत्यु भएको आशंका

राष्ट्रव्यापी इन्टरनेट बन्द, कम्तिमा ५०० जनाको मृत्यु

सेतोमसी
कार्तिक १५, २०८२ शनिवार

तान्जानियामा विरोध प्रदर्शनमा सरकारको दमन, सयौंको मृत्यु भएको आशंका

अ +
अ
अ -

काठमाडौँ । तान्जानियामा आम चुनावपछिको तीन दिनको विरोध प्रदर्शनमा सयौं व्यक्तिको मृत्यु भएको बताइएको छ । मृत्यु हुनेको संख्या फरक-फरक आँकडा बाहिर आएको छ र राष्ट्रव्यापी इन्टरनेट बन्द गरिएकाले यकिन गर्न गाह्रो भएको छ ।

विपक्षी दलका प्रवक्ता चाडेमाले सुरक्षा बलसँगको झडपमा लगभग ७०० जनाको मृत्यु भएको दाबी गरेका छन् । तर विभिन्न रिपोर्टहरुले कम्तिमा ५०० जनाको मृत्यु भएको प्रमाणित भएको दाबी गरेका छन् ।

सरकारले हिंसाको स्तरलाई कम आँकलन गर्ने प्रयास गरिरहेको छ र अशान्ति रोक्न कर्फ्यू बढाएको छ । धेरैजसो युवाहरू देशभरका धेरै शहरहरूमा सडकमा उत्रिएका छन् र चुनावलाई अनुचित भन्दै विरोध गरेका छन् ।

प्रदर्शनकारीहरूले सरकारले प्रमुख विपक्षी नेताहरूलाई दबाएर लोकतन्त्रलाई कमजोर बनाएको आरोप लगाएका छन् । एक विपक्षी नेता जेलमा छन् भने अर्का प्राविधिक कारणले चुनावबाट अयोग्य घोषित भएका छन् ।

यसले तान्जानियाका राष्ट्रपति सामिया सुलुहु हसन र उनको पार्टी चामा चा मापिन्दुजी (सीसीएम) को जितको सम्भावना बढाएको छ ।