काठमाडौँ । भारतीय क्रिकेट तथा चेन्नई सुपर किंग्सका अनुभवी स्पिनर रविचन्द्रन आश्विनले आफ्नो आईपीएल फ्रान्चाइजी चेन्नई सुपर किंग्सविरुद्ध गम्भीर आरोप लगाएका छन् । उनले लिगको समयमा भइरहेका गोप्य लेनदेनहरू सार्बजनिक गर्दै चेन्नईले दक्षिण अफ्रीकाका युवा खेलाडी डेवाल्ड ब्रेभिसलाई सम्झौता रकमभन्दा धेरै बढी भुक्तानी गरेको दाबी गरेका छन् । चेन्नईले ब्रेभिसलाई आफ्नो टिममा सामेल गर्न दिएको आरोप लगाएका हुन् ।

आश्विनले आफ्नो युट्युब च्यानलमा आईपीएलको नियम अनुसार, जब कुनै खेलाडीलाई प्रतिस्थापनको रूपमा समावेश गरिन्छ, उसलाई आधार मूल्यमा मात्र समावेश गरिन्छ । यस्तो अवस्थामा, ब्रेभिसको आधार मूल्य २.२ करोड भारु थियो, तर चेन्नईले वार्ताको क्रममा ब्रेभिसका एजेन्टहरूलाई थप रकम तिर्न प्रस्ताव गरेको थियो, जसका कारण चेन्नई यस दौडमा सफल भएको अश्विनको दाबि रहेको छ ।

आश्विनले भनेका छन्, 'जब ब्रेभिसलाई प्रतिस्थापनको रूपमा निर्णय गरिएको थियो, उनले आधार मूल्य पाउने थिए । यद्यपि, त्यसपछि एजेन्टको खेल अगाडि आउँछ । यदि तपाईंले मलाई यति धेरै रकम अतिरिक्त दिनुभयो भने, म आउँछु । त्यसपछि चेन्नईले सो रकम तिर्यो र ब्रेभिसलाई आफ्नो टोलीमा समावेश गर्यो ।'

गत सिजनमा चेन्नईमा सामेल भएका ब्रेभिसले उत्कृष्ट प्रदर्शन गर्दै छ खेलमा २२५ रन बनाएका थिए । उनले दुई अर्धशतक प्रहार गरे र १८० को स्ट्राइक रेटमा ब्याटिङ गरेका थिए ।

अश्विनको यो भनाईले आइपिएलमा नयाँ विवाद शुरु भएको छ । त्यसैपनि इन्डियन पैसा लिग भनेर आइपिएलको आलोचना भइरहेका बेला दिग्गज खेलाडीले नै यस्तो खुलासा गरेपछि अब नयाँ विवाद शुरु भएको छ ।  आश्विनको खुलासापछि लिगको बजेट समानता र पारदर्शितामा ठुलो प्रहसन उठेको चर्चा भारतीय मिडियाहरुमा शुरु भएको छ ।

आइपिएलमा कुनै पनि फ्रान्चाइजी र खेलाडी बीचको आधिकारिक सम्झौता बाहिर कुनै पनि वित्तीय वा सम्झौता सम्झौता कडाइका साथ निषेध गरिएको छ । यसको अर्थ आईपीएल गभर्निङ काउन्सिललाई जानकारी नदिई खेलाडी किन्न, तलब तिर्न वा भविष्यका खेलाडी लिन सम्झौता गर्नु नियमहरू विरुद्ध हो ।
त्यस्तै टिमहरूको निश्चित तलब सीमा (अर्थात् खेलाडीहरूको कुल तलब बजेट) हुन्छ, र कुनै पनि सम्झौता यसै भित्र गर्नुपर्छ ।  बीसीसीआईको भ्रष्टाचार विरोधी एकाइ (एसीयू) ले खेलाडीहरू, सहयोगी कर्मचारीहरू र फ्रान्चाइजीहरूमा नजर राख्छ । यदि कुनै सम्झौतामा पारदर्शिता छैन भने, यसलाई भ्रष्टाचार भन्न सकिन्छ ।