पोखरा महानगरपालिका

पोखरामा पहिलो पटक आयोजित आरयु फेष्टको १० हजार बढीले गरे अवलोकन

सेतोमसी
श्रावण १८, २०८२ आइतवार

पोखरामा पहिलो पटक आयोजित आरयु फेष्टको १० हजार बढीले गरे अवलोकन

अ +
अ
अ -

पोखरा । पोखरामा पहिलो पटक आयोजित आरयु फेष्टको १० हजार बढिले अवलोकन गरेका छन् ।

पोखरा महानगरपालिकासँगको सहकार्यमा कोरिया अन्तर्राष्ट्रिय सहयोग नियोग (कोइका) को आर्थिक सहयोग तथा संयुक्त राष्ट्र सङ्घीय विकास कार्यक्रम (युएनडिपी) को प्राविधिक सहयोगमा पोखरामा सञ्चालित रिसाइक्लिङ र अपसाइक्लिङ मार्फत हरित रोजगारी सिर्जना परियोजना अन्तरगत आयोजित फेष्टको १० हजार बढिले अवलोकन गरेका हुन् ।

फोहोरलाई खजना (मोहोर) बनाउने मूल मन्त्र र पोखरा लगायत सिङ्गो मुलुकको हरित विकासका लागि एक नवीनतम प्रयास रुवरूप फेस्ट गरिएको पोखरा महानगरपालिकाका प्रमुख धनराज आचार्यले बताए । फेस्टिभलले सृजनशीलता, नवप्रवर्तन र दिगोपनाका लागि हातेमालो गर्दै वातावरणमैत्री र सुरक्षित भविष्य निर्माणमा सघाउ पुर्‍याउने उनको विश्वास छ ।

फेस्टिभलमा देशभरिका नवप्रर्तनयुक्त रिसाइक्लिङ र अपसाइक्लिङ उत्पादनहरूको प्रदर्शनी, फोहोरलाई उपयोगी वस्तुमा रूपान्तरण गर्ने प्रक्रियाको प्रत्यक्ष प्राविधिक डेमो सो, जलवायु, दिगो पर्यटन विकास, हरित उद्यमशीलता र प्लास्टिक टु रोड प्रविधि माथि संवाद, युवाहरूका लागि सिर्जनात्मक कार्यशाला, सार्वजनिक कला प्रदर्शनी, सहभागितामूलक गतिविधिहरू प्रस्तुत, दक्षिण कोरियाको सफलता अनुभवमाथि विशेष संवाद सत्र, हरित रोजगारी, बजार पहुँच र दिगो जीविकोपार्जनका उपायहरू लगायत विषयहरू माथि चर्चा गरिएको छ ।