देवदह । सगरमाथा आवासीय माध्यमिक विद्यालयले असल अभिभावकत्व सम्बन्धि प्रशिक्षण कार्यक्रम सम्पन्न गरेको छ । विद्यालयको कक्षा ६ देखि १० सम्म अध्ययन गर्ने विद्यार्थीका अभिभावकलाई प्रशिक्षण दिएको जनाएको छ ।
प्रशिक्षणको औपचारिक समारोहमा बोल्दै देवदह नगरपालिकाका प्रवक्ता गणेश डुम्रेले अभिभावकले बालबालिकालाई साधन होइन, समय दिनुपर्ने बताए । नैतिक र व्यावहारिक शिक्षामा जोड दिंदै उनले योग-साधनाजस्ता कार्यमा बालबालिकाको रुची जगाउनुपनि अभिभावकको दायित्व हुने विचार व्यक्त गरे ।
विद्यालयका प्राचार्य कृष्ण प्रसाद पौडेलले असल विद्यार्थीको स्रोत नै असल अभिभावक हुने बताए । उनले विद्यालयले अभिभावक शिक्षालाई निरन्तरता दिने प्रतिबद्धता जनाए ।
कार्यक्रममा १५० जना अभिभावकलाई प्रशिक्षक भीष्ममणि पाण्डेले प्रशिक्षित गरेका थिए ।
विद्यालय व्यवस्थापन समितिका अध्यक्ष डिल्लीराज मरासिनीको अध्यक्षता रहेको कार्यक्रमको संचालन सह-प्राचार्य प्रदीप अधिकारीले गरेका थिए ।
कक्षा ५ सम्मका अभिभावकलाई यसअघि नै प्रशिक्षित गरिसकेको विद्यालयले साउन ४ गते कक्षा ११ र १२ का अभिभावकहरूलाई प्रशिक्षण दिने जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology