फिफा विश्वकप २०२६

ब्राजिल र इक्वेडर विश्वकपमा छनौट

सेतोमसी
जेठ २८, २०८२ बुधवार

अ +
अ
अ -

काठमाडौँ । ब्राजिल फिफा विश्वकप २०२६ मा छनौट भएको छ । बुधबार बिहान सम्पन्न खेलमा ब्राजिलले पराग्वेलाई १-० ले पराजित गरेसँगै ब्राजिल दक्षिण अमेरिकी क्षेत्रबाट विश्वकपमा छनौट भएको हो ।

ब्राजिलको जितमा खेलको ४४औं मिनेटमा भिनिसियस जुनियरले गरेको गोल नै निर्णायक गोल बनेको थियो ।

यो जितपछि ब्राजिलको १६ खेलमा २५ अंक रहेको छ र तेस्रो स्थानमा रहेको छ । योसँगै ब्राजिल अहिलेसम्मका सबै विश्वकपमा छनौट हुने पहिलो देश बनेको छ ।

त्यस्तै दक्षिण अमेरिकी क्षेत्रबाट इक्वेडर पनि विश्वकपका लागि छनौट भएको छ । आज सम्पन्न खेलमा पेरुसँग गोलरहित बराबरी खेलेको इक्वेडरको १६ खेलमा २५ अंक रहेको छ र दोस्रो स्थानमा छ ।

दक्षिण अमेरिकी क्षेत्रबाट अर्जेन्टिना यसअघि नै छनौट भइसकेको छ । दक्षिण अमेरिकी क्षेत्रबाट ६ देश सिधै छनौट हुने छन् भने एक देशले प्लेअफ खेल्ने अवसर पाउने छ ।

४८ देशले भाग लिने २०२६ को विश्वकपमा अहिलेसम्म आयोजक क्यानडा, अमेरिका र मेक्सिको बाहेक जापान, न्यूजील्याण्ड, इरान, अर्जेन्टिना, उज्बेकिस्तान, दक्षिण कोरिया, जोर्डन, अस्ट्रेलिया, ब्राजिल र इक्वेडर छनौट भएका छन् ।