स्वास्थ्य

देवदहमा किशोरी तथा महिलाहरुको लागि स्वास्थ्य जनचेतना तालिम

सेतोमसी
जेठ २४, २०८२ शनिवार

देवदहमा किशोरी तथा महिलाहरुको लागि स्वास्थ्य जनचेतना तालिम

अ +
अ
अ -

देवदह । निरन्तर महिला बचत तथा ऋण सहकारी संस्थाले स्वास्थ्य सम्बन्धि जनचेतनामुलक शिक्षा तालिम सम्पन्न गरेको छ । सहकारीले शनिवार देवदहमा किशोरी तथा महिलाहरुको लागि स्वास्थ्य तालिम गरेको हो ।

तालिमको औपचारिक कार्यक्रमलाई सम्बोधन गर्दै देवदह नगरपालिका उपप्रमुख विद्यालक्ष्मी गुरुङले महिला स्वास्थ्य सबैभन्दा महत्वपूर्ण र संवेदनशील विषय भएको बताइन् । 'स्वास्थ्य सम्बन्धि जनचेतना सबैलाई आवश्यक छ ।' उनले भनिन्, 'त्यसमा पनि किशोरी र महिला यस विषयमा जानकार हुनु अनिवार्य छ ।'

देवदह नगरपालिकाले महिलाको क्षमता विकास र महिला शसक्तिकरणमा काम गरिरहेको उल्लेख गर्दै उपप्रमुख गुरुङले सहकारीहरुले पनि यस क्षेत्रमा चासो राखेर कार्यक्रम आयोजना गर्नाले नगरपालिकालाई सहयोग हुने विचार व्यक्त गरिन् ।

स्वास्थ्यकर्मी अनिता थापाले सहजीकरण गरेको तालिममा ११५ जना महिला तथा किशोरीहरु सहभागी थिए ।

सहकारीका अध्यक्ष मिना पौडेलको अध्यक्षता रहेको कार्यक्रममा देवदह नगर कार्यपालिका सदस्य रुपा उमारी ढुंगाना र सहभागीको तर्फबाट सुनिता पाण्डे लगायतले बोलेको थिए ।

कार्यक्रममा उपाध्यक्ष सर्मिला पन्त स्वागत तथा सचिव अनिता ज्ञवाली संचालन रहेको थियो ।