काठमाडौं । प्रतिनिधिसभाको बैठक संचालन हुने विषयमा आज पनि अन्योल देखिएको छ । आज अपराहन्न १ बजेको लागि बोलाईएको बैठक अझै सुरु हुन सकेको छैन् ।
भिजिट भिसा प्रकरणमा गृहमन्त्री रमेश लेखकको राजीनामा माग गर्दै विपक्षी दलहरुले सदनको अवरोध जारी राखेपछि बैठक बस्न नसकेको हो । अहिले माओवादी केन्द्रका अध्यक्ष पुष्पकमल दाहाल प्रचण्डले विपक्षी दलहरुसँग छलफल गरिरहेका छन् ।
संसद भवनमा रहेको आफ्नो कार्यकक्षमा प्रचण्डले विपक्षी दलहरुसँग छलफल गरिरहेका हुन् । यस अघि माओवादी केन्द्रको पदाधिकारी बैठकले विहिबार संसद्को अवरोध खुलाउन अधिकतम प्रयास गर्ने निर्णय गरेको थियो ।
माओवादी केन्द्र गृहमन्त्रीको राजीनामाको मागमा लचक भएको अन्य विपक्षीले आरोप लगाइरहेका छन् । माओवादी केन्द्रले संसदमा गृहमन्त्रीलाई बोल्न दिने र भिजिट भिसा प्रकरणको छानबिन समिति गठन गरेर यो विषयको 'सेफ ल्यान्डिङ' खोजेको एक कांग्रेस नेताले एभरेष्ट न्यूज एजेन्सीसँग बताए ।
तर सत्ता पक्ष भने हाल भिजिट भिसा प्रकरणको अख्तियारले छानबिन गरिरहेकोले अर्को समिति वा आयोग बनाउन आवश्यक नरहेको अडानमा रहेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
