कृषि/पशु

देवदहका १५ हजार भेडा बाख्रालाई पिपिआर खोप लगाइदै

सेतोमसी
जेठ १, २०८२ बिहिवार

देवदहका १५ हजार भेडा बाख्रालाई पिपिआर खोप लगाइदै

अ +
अ
अ -

देवदह । भेडा बाख्रामा लाग्ने पिपिआर रोगका विरुद्ध रुपन्देहीको देवदहमा खोप अभियान सञ्चालन गरिएको छ । बुधवारबाट सुरु भएको अभियान जेठ महिना भरि जारी रहने नगर पशु सेवा शाखाले जनाएको छ ।

अभियानका क्रममा देवदहका सबै वडाहरुमा रहेका करिव १५ हजार भेडा बाख्रालाई खोप दिईने शाखाका पशु विकास अधिकृत प्रविन गौंडेलले जानकारी दिए । ‘देवदह पिपिआरको जोखिम रहेको नगर भएकाले यस विरुद्धको खेपलाई नगरले केहि बर्ष यता नियमित गरिरहेको छ ।’ गौंडेलले भने, ‘यो रोग लागेपछि निको नहुने भएकाले पनि यसको बारेमा सचेत भई समयमै भ्याक्सिनेसन गर्नु नै यसको उत्तम विकल्प हो ।’

ppr 1.jpg — बाख्रालाई पिपिआर खोप लगाउँदै देवदह नगरपालिकाका प्राविधिक । तस्विर : देवदह पशु सेवा शाखा

पिपिआर रोग लागेपछि भेडा बाख्राहरुमा मुखमा घाउ आउने, र्याल काड्ने, ज्वरो आउने, झोक्राउने र अन्तिममा मर्ने जस्ता लक्षणहरु देखापर्ने खोप कार्यक्रमका प्राविधिक इश्वर राज पन्थले जानकारी दिए । हावाको माध्यमबाट हुने रोगको संक्रमण एकदमै छिटो एकदेखि अर्कोमा सर्ने र मृत्युदर ६० देखि ९० प्रतिशत मृत्युदर हुने भएकाले यसका लक्षणहरुलाई व्यवस्थापन गर्नुपर्ने पन्थले बताए ।

शु विकास अधिकृत गौंडेलको नेतृत्वमा ५ जना प्रविधिकहरुको टोलिले वडागत रुपमै उपस्थित भएर खोप लगाउने कार्य गरिरहेको छ । खोपका लागि एउटा भाएल खोलेपछि एक सय वटा भेडा बाख्रालाई खोप लगाउनुपर्ने भएकाले वडाहरुमा किसानलाई भेडाबाख्रा जम्मा पार्न लगाईएको शाखाले जनाएको छ ।