काठमाडौं । नेपाली कांग्रेसका सांसद जीवन परियारले तीनकुनेमा भएको हिंसात्मक घटनाबारे सोधपुछ गर्न पूर्वराजा ज्ञानेन्द्र शाहलाई संसदीय समितिमा बोलाउन प्रस्ताव गरेका छन्।
शुक्रवार सिंहदरबारमा बसेको कानून, न्याय तथा मानव अधिकार समितिको बैठकमा परियारले शाहलाई समितिमा राखेर तीनकुने घटनामा संलग्नता छ कि छैन भन्नेबारे प्रश्न गर्नुपर्ने बताएका हुन्। उनले फागुन २५ गते पोखराबाट फर्किने क्रममा नागरिकले शाहलाई गरेको स्वागत आवश्यक नभएको टिप्पणी गरे।
परियारको भनाइमा, “हामी अहिले मानव अधिकार उल्लङ्घनको विषयमा छलफल गरिरहेका छौं भने फागुन २५ गते जनताले गरेको त्यो स्वागत जरुरी थियो कि थिएन? १५ गतेको घटनामा उहाँ संलग्न हुनुहुन्छ कि होइन भन्नेबारे विभिन्न विचार आउन थालेका छन्। त्यसैले उहाँलाई समितिमा बोलाएर सोध्नुपर्छ—तपाईं एउटा नागरिकको हैसियतले यस्तो घटना गर्न पाउनुहुन्छ?”
उनले देशमा अमानवीय र अराजक कार्य मच्चाउने छुट कसैलाई पनि नभएको भन्दै सरकारको ध्यानसमेत आकृष्ट गराएका छन्।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology