राष्ट्रिय सभा बैठक

सदन अवरोध गरेर मात्रै समस्या समाधान हुँदैन : अध्यक्ष दाहाल

सेतोमसी
चैत्र १५, २०८१ शुक्रवार

सदन अवरोध गरेर मात्रै समस्या समाधान हुँदैन : अध्यक्ष दाहाल

अ +
अ
अ -

काठमाडौं । राष्ट्रिय सभा अध्यक्ष नारायणप्रसाद दाहालले सदन अवरोध गरेर मात्रै समस्या समाधान नहुने बताएका छन् । शुक्रवारको राष्ट्रिय सभा बैठकमा प्रमुख प्रतिपक्ष दलसहितका प्रतिपक्ष दलहरुले सरकारले नेपाल विद्युत प्राधिकरणको कार्यकारी निर्देशकबाट कुलमँन घिसिङलाई हटाएको भन्दै प्रधानमन्त्रीको जवाफ माग गरी संसद अवरोध गरेपछि उनले यस्तो बताएका हुन् ।

अवरोधपछि राष्ट्रिय सभा सदस्यहरुलाई बसेर कारबाही अघि बढाउन सहजीकरण गरिदिन आग्रह गर्दै अध्यक्ष दाहालले समस्याको समाधान सभा अवरुद्ध गरेर नहुने बताए ।

‘मान्य सदस्यहरु विषय त राखिहाल्नु भयो अब । विषय राखियो, हामी सबैको ध्यानाकर्षण भएको छ । यही प्रक्रिया निरन्रत दोहोरिँदै जाँदा हामी कहाँ पुग्छौँ, हाम्रो राष्ट्रिय सभाको अवस्था कहाँ पुग्ला ? उनले भने, ‘हामी सबै कति गम्भीर बनेका छौँ भन्ने मलाई चिन्ता लागेको छ । सबै हामी राष्ट्रिय सभाका मान्इ सदस्यहरुले आफ्नो ठाउँमा गम्भीर भएर समस्याको समाधान गर्नेतिर जोड दिनुपर्छ ।’

अध्यक्ष दाहालले राजनीतिक दलहरुको सक्रियाताबाट नै समस्या समाधान गर्नुपर्ने बताउँदै सत्तापक्ष र प्रतिपक्ष एक—एकतिर कानमा तेल हाले बसेर मात्रै समस्या समाधान नहुने जिकिर गरे ।