महाशिवरात्रीमा होस्टेल एसोसिएसनको निशुल्क पिउने पानी

सेतोमसी
फाल्गुण १५, २०८१ बिहिवार

महाशिवरात्रीमा होस्टेल एसोसिएसनको निशुल्क पिउने पानी

अ +
अ
अ -

काठमाडौं । महाशिवरात्रीको अवसर नेपाल होस्टेल एसोसिएसनले काठमाडौं निशुल्क पानी बितरण गरेको छ। पशुपतिनाथ मन्दिर र मध्य बानेश्वरमा रहेको रत्नराज्य माध्यमिक विद्यालयस्थित महादेव मन्दिरमा पुजाआजा एवं अवलोकन गर्न पुगेका भक्तजनहरुलाई निशुल्क पानी बितरण गरिएको एसोसिएसनका जिल्ला अध्यक्ष भोजेन्द्र श्रेष्ठले जानकारी दिए ।

करिब २००० भक्तजनलाई निशुल्क रुपमा पानी पिउने सेवा दिइएको संस्थाले जनाएको छ । संस्थाको सामाजिक उत्तरदायित्व अन्तर्गत हरेक वर्ष महाशिवरात्रीको दिन संस्थाले पानी बितरण गर्दै आएको अध्यक्ष श्रेष्ठ भनाई छ ।

कार्यक्रममा एसोसिएसनका पुर्व केन्द्रिय अध्यक्ष सुबास कोइराला, निबर्तमान अध्यक्ष अरुण पराजुली लगायत जिल्ला तथा केन्द्रिय पदाधिकारीको उपस्थित रहेको थियो ।

काठमाडौ, भक्तपुर र ललितपुर क्षेत्रमा रहेका होस्टेल व्यवसायीको साझा संस्था होस्टेल एसोसिएसनले रक्तदान कार्यक्रम, स्वास्थ्य शिविर संचालनजस्ता सामाजिक क्रियाकलापहरु गर्दै आएको छ ।