जनताको मन जित्ने गरी गाउँ नगरमा सक्रिय हुन पूर्व पाटी सभापति पृथ्वी बहादुर सिहको आग्रह

सेतोमसी सहकर्मी

जनताको मन जित्ने गरी गाउँ नगरमा सक्रिय हुन पूर्व पाटी सभापति पृथ्वी बहादुर सिहको आग्रह

अ +
अ
अ -

रमेश बहादुर सिह, बझाङ नेपाली कांग्रेसका पूर्व पाटी सभापति पृथ्वी बहादुर सिहले स्वास्थ्य मापदण्ड पालना गरेर अधिवेशनमा सहभागी हुन नेता कार्यकर्ताहरूलाई आग्रह गरेका छन्।

उनले शनिबार सुरु भएको गाउँ - नगरपालिका अधिवेशनको अवसरमा सामाजिक सञ्जालमार्फत स्वास्थ्य मापदण्डको पालना गरेर अधिवेशनमा सहभागी हुन नेता – कार्यकर्ताहरूलाई आग्रह गरेका हुन्। ‘आजदेखि सुरु भएको नगर, गाउँपालिका अधिवेशनको प्रक्रियामा सहभागी नेपाली कांग्रेसका नगर र गाउँ प्रतिनिधि साथीहरूलाई हार्दिक स्वागत तथा शुभकामना,’

सिहले भनेका छन्, ‘कोभिड – १९ को महामारीका बेला स्वास्थ्य मापदण्ड पालना गरी अधिवेशनमा सहभागी हुनु अनुरोध गर्दछु ।’ उनले पार्टीप्रति नेता – कार्यकर्ताको विश्वास र प्रतिवद्धताले कांग्रेस थप बलियो बन्ने पनि उल्लेख गरेका छन्। सिहले जनताको मन जित्ने गरी नगर र गाउँपालिकामा नेता - कार्यकर्ताहरूले आफ्नो भूमिकालाई प्रभावकारी बनाउने अपेक्षा आफूले गरेको पनि सामाजिक सञ्जालमार्फत भनेका छन्। ‘तपाईंहरूको पार्टीप्रतिको विश्वास र प्रतिवद्धताले कांग्रेसलाई थप बलियो बनाउने छ,’ उनले लेखेका छन्, ‘जनताको मन जित्ने गरी नगर र गाउँपालिकामा आफ्नो भूमिकालाई प्रभावकारी बनाउनु हुनेछ भन्ने अपेक्षा पनि गरेको छु।’