स्मृति वन वाटिकामा सांस्कृतिक भवनको शिलान्यास

सेतोमसी
माघ २२, २०८१ मंगलवार

स्मृति वन वाटिकामा सांस्कृतिक भवनको शिलान्यास

अ +
अ
अ -

देवदह । स्मृति सामुदायिक वन उपभोक्ता समुहले संचालन गरेको स्मृति वन वाटिकामा सांस्कृतिक भवनको शिलान्यास गरिएको छ । शहरी विकास मन्त्रालयको आर्थिक बर्ष २०८१÷/८२ को २० लाखको लागतमा निर्माण हुन लागेको सांस्कृतिक भवनको मंगलबार एक कार्यक्रम बीच शिलान्यास गरिएको हो ।

सांस्कृतिक भवनको शिलान्यस गर्दै देवदह नगरपालिका नगर प्रमुख ध्रुवप्रसाद खरेलले सामुदायिक वनहरुले संचालन गरेका पार्कहरुले देवदहलाई पर्यटकीय क्षेत्रको रुपमा विकास गर्न महत्वपुर्ण योगदान गरेको बताए । "यहाँ निर्मित पार्कले देवदहको पर्यटनमा योगदान पुरायेका छन् ।" उनले भने "देवदहमा रहेका विभिन्न पार्कहरुको व्यवस्थापन गर्न नगरपालिकाले सहयोग गर्दै आएको छ र आगामी दिनमा पनि सहयोग गर्नेछ ।"

स्मृति सामुदायिक वन उपभोक्ता समुहका अध्यक्ष भरतकुमार गुरुङ्गको अध्यक्षतामा भएको कार्यक्रममा देवदह नगरपालिका–७ का वडाअध्यक्ष कृष्णप्रसाद अधिकारी, वनका सल्लाहकार डिल्लीराज मरासिनी, कोषाध्यक्ष चन्द्रकान्त खरेल, मिना श्रेष्ठ लगायतले बोलेका थिए ।