पोखरा महानगरको १६ औँ नगरसभा विभिन्न प्रस्ताव सर्वसम्मत पारित गदै सम्पन्न

सेतोमसी
माघ १२, २०८१ शनिवार

पोखरा महानगरको १६ औँ नगरसभा विभिन्न प्रस्ताव सर्वसम्मत पारित गदै सम्पन्न

अ +
अ
अ -

राजेश पराजुली, पोखरा । पोखरा महानगरसभाका अध्यक्ष धनराज आचार्यले भवन मापदण्ड देखि राजश्व अशुलीका लागि सभामा समिति गठनको प्रस्ताव गरेका थिए ।

भवन नियमित तथा अभिलेखिकरण कार्यविधि पहिलो संसोधन २०८१, आर्थिक ऐन संसोधन २०८१, भवन पूर्वाधार तथा निर्माण पहिलो संसोधन २०८१, भवन निर्माण भएर चार वर्ष भन्दा लामो समय भएको सन्र्दभमा प्रतिवेदन र महानगरको कार्यपालिकालाई कार्यविधि बनाउनका लागि निर्देशन दिने प्रस्ताव सभाले सर्वसम्मत पारित गरेको छ ।

नगर सभाले बजेट रकमान्तर गर्दा २५ प्रतिशत भन्दा नबढ्ने गरी रकमान्तर गर्ने निर्णय गरेको छ । यस्तै सिशुवा अस्पतालको ओएनएम स्विकृत गरेको छ । महानगरपालिकाको राजश्व बक्यौता अशुली सम्बन्धमा नगरसभाले समिति बनाउने प्रस्ताव स्विकृत गरेको छ । महानगरका प्रवक्ता मोतिलाल तिम्सिनाको संयोजकत्वमा समिति गठन गरेको हो ।

महानगरमा जग्गा हालसावी गर्न सम्बन्धीत निकायसंग समन्वय गरी कार्य अगाडी बढाउने प्रस्ताव नगर सभाले पारित गरेको छ । पुष २८ गते सुरु भएको नगरसभा तीनवटा बैठक पछि समापन भएको हो ।

यस पहिले माघ ८ गते बोलाइएको बैठकमा करारका कर्मचारी हटाउने विषयमा एमालेले विरोध जनाए पछि स्थगित गरिएको थियो । नगर सभा स्थगित गरेको विषयमा महानगर प्रमुख, उपप्रमुख र प्रमुख प्रशासकीय अधिकृतको कार्यकक्षमा नेपाली कांग्रेसबाट निर्वाचित जनप्रतिनिधिले ताला समेत लगाएका थिए ।

कर्मचारी व्यवस्थापन सम्बन्धमा विशेष नगरसभाले गरेका निर्णयलाई कार्यान्वय गर्न महानगरमा प्रतिनिधित्व गर्ने राजनीतिक दलका नेताहरुले प्रतिवद्धता जनाए पछि आजको बैठक सूचारु भएको थियो ।