देवदह l नेपाल मगर सङ्घ देवदह नगर समितिले देवदहको पानबारी खेल मैदानमा विशेष कार्यक्रम आयोजना गरि माघे सङ्क्रान्ति मनाउने भएको छ ।
नगर समितिले आइतवार पत्रकारहरु माझ माघ १ गते खेल मैदानमा माघे सङ्क्रान्ति २०८१ को आयोजना गर्ने जानकारी दिएको हो ।
कार्यक्रमको उद्घाटन लुम्बिनी प्रदेशका स्वास्थ्य मन्त्री खेम बहादुर सारू मगरले गर्ने नेपाल मगर सङ्घ देवदह नगर समितिका अध्यक्ष मन बहादुर रानाले बताए । मगरका अनुसार कार्यक्रममा राष्ट्रिय कलाकार राजु गुरुङ र ऋतु थापाको प्रस्तुति, मगरहरूको मौलिक सांस्कृतिक प्रदर्शनी, मौलिक खानपिन, भेषभूषा र मगर जातिको मौलिक छेलो हान्ने खेललगायत कार्यक्रम रहनेछ । कार्यक्रममा मगर समुदायका अन्य सङ्घसंस्थाहरूको पनि प्रतिनिधित्व रहनेछ ।
मगर समुदायको मौलिक संस्कृति र मौलिक खेलको संरक्षणका लागि प्रत्यक वर्ष जस्तै अहिले पनि माघे सङ्क्रान्ति कार्यक्रमको आयोजना गरिएको सङ्घले जनाएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology