मानव सेवा आश्रममा नेशनल प्याब्सनको भोजन

सेतोमसी
पौष २७, २०८१ शनिवार

अ +
अ
अ -

बुटवल। नेशनल प्याब्सनले आफ्नो २७ औं स्थापना दिवसको अवसरमा मानव सेवा आश्रममा भोजन ग्रहण गराएको छ। आफ्नो स्थापना दिवसको अवसरमा मानवसेवा आश्रम बुटवलमा रहेका सहयोगपेक्षी महानुभावहरूलाई भोजन सेवा गराएको नेशनल प्याब्सन रूपन्देहीका जिल्ला अध्यक्ष तिलव के सीले जानकारी दिए ।

नेशनल प्याब्सन रूपन्देहीले २७ औं स्थापना दिवसको अवसरमा मानव सेवा आश्रम बुटवलमा रहेका ५० जना सहयोगापेक्षी महानुभावहरूलाई एक छाक खाना खुवाएर सम्पन्न गरिएको हो।

कार्यक्रममा बोल्दै प्रमुख अतिथि नेशनल प्याब्सनका सचिव कृष्ण प्रसाद पौडेलले देशभरिका एनप्याब्सनिष्ट हरु आज केहि न केहि कार्यक्रम गरेर संस्थाको स्थापना दिवस मनाइरहेको कुरा राख्दै सबै सङ्घ संस्थाले मानव सेवा हुने खालका कार्यहरू गर्दै गएमा सबै मानवमा परोपकारी भावना बढ्दै जाने र सिङ्गो समाज नै संस्कारयुक्त र परोपकारी भावनाले भरिपूर्ण हुने कुरा व्यक्त गरे।

कार्यक्रममा नेशनल प्याब्सन केन्द्रिय समिति सदस्य देउ प्रकाश राई, विष्णु प्रसाद पौडेल, पूर्व जिल्ला अध्यक्ष बिल प्रसाद गुरुङ लगायतको उपस्थिति रहेको कार्यक्रम को संचालन सौगात भट्टराईले गरेका थियो।