भारतको उत्तराखण्डमा बस दुर्घटना, ३६ जनाको मृत्यु

सेतोमसी
कार्तिक १९, २०८१ सोमवार

भारतको उत्तराखण्डमा बस दुर्घटना, ३६ जनाको मृत्यु

अ +
अ
अ -

पोखरा । भारतको उत्तरी राज्य उत्तराखण्डमा सोमबार बस गहिरो खोलामा खसी दुर्घटना हुँदा ३६ जनाभन्दा बढीको मृत्यु हुनुका साथै अन्य दुई दर्जन घाइते भएको स्थानीय प्रहरी अधिकारीले जनाएका छन् ।

बसमा कम्तीमा पनि ४५ जना यात्रु रहेको स्थानीय सञ्चारमाध्यमले जनाएका छन् ।

बस दुर्घटनामा सात जना घाइते भएको र उनीहरूलाई नजिकको अस्पताल पठाइएको स्थानीय अधिकारीहरूलाई जनाउँदै इन्डिया टुडेले जनाएको छ ।

प्रहरी अधिकारीका अनुसार दुर्घटना उत्तराखण्ड राज्यको अल्मोडा जिल्लाको मार्चुला क्षेत्रमा सोमबार बिहान ८ः३० बजे भएको थियो । मार्चुला पहाडी राज्य उत्तराखण्डको पर्यटकीय गन्तव्यमध्ये एक हो ।

दुर्घटनामा घाइतेमध्ये केहीको अवस्था गम्भीर रहेको बताइएको छ भने घटनास्थलमा उद्धार टोली खटाइएको छ ।

प्रहरीका अनुसार दुर्घटनामा परी मृत्यु हुनेमा सबै स्थानीय रहेका छन् । पोढीबाट रामनगरतर्फ गइरहेको निजी बस दुर्घटनाग्रस्त भएको जनाइएको छ ।

मृतकको पहिचान गर्ने प्रयास भइरहेको छ भने घाइतेलाई उपचारका लागि स्थानीय सरकारी अस्पतालमा लगिएको छ ।