कात्तिकमा हावाहुरीसहित असिना पानी, किसान मर्कामा

सेतोमसी
कार्तिक १९, २०८१ सोमवार

कात्तिकमा हावाहुरीसहित असिना पानी, किसान मर्कामा

अ +
अ
अ -

राजेश पराजुली, पोखरा । पोखरामा असिना पानी परेको छ । कात्तिकमा धान थन्क्याउन लागेका किसानलाई असिना पानीले प्रभावीत बनाएको छ ।

पोखरामा आज सबै क्षेत्रमा ठुलो वर्षा भएको छ भने कतै हावाहुरी र असिना पानी समेत परेको छ । असिना सानो परेपनि पाकेको धानलाई असर गरेको किसानहरु बताउ छन् ।

पोखरामा २६ मा हावाहुरी, असिना र पानी परेको पत्रकार सुमन ढुङगानाले बताए । कतिपय किसानले धान काटेर सुकाएका थिए भने कति पय पाकेको धान काट्न ठिक थिए । तर हावाहुरी सहितका वर्षाका कारण धान ढल्ने, धान सुकान नसक्दा उम्रिने, हकुवा हुने किसानहरु बताउ छन् ।

अहिले पानीले धानबालीमा ठुलो असर गर्ने पोखरा महानगर पालिका कृषि महाशाखा प्रमुख मनहर कडरियाले बताए । पानी परेपछि धान भित्राउन अप्ठेरो हुने र धान विग्रने सम्भावना हुने उनको भनाई छ ।

अहिले पोखरामा झिनुवा र जेठोबुढो धान बाहेका सबै धान पाकैको छ र किसानहरु दिनहुँ धान भित्राउन लागेका छन् ।