ज्यो. पं युवराज अधिकारी । आज मिति २०७८ भदौ १८ गते शुक्रबार । तदनुसार ३ सेप्टेम्बर २०२१ । श्री माता लक्ष्मीको दर्शन गरी आजको राशिफल हेर्नुहोस ।

आजको पंचाङ्ग : 

वि.सं. भदौ १८, २०७८ । ई.सं. 03 Sep, 2021 । शक संवत् १९४३ । नेपाल संवत् ११४१ गुँलागा । दक्षिणायन । वर्षा । शुक्रवार । भाद्र कृष्णपक्ष । तिथि - द्वादशी , ३०:२७ बजे उप्रान्त त्रयोदशी । नक्षत्र - पुनर्वशु , १५:५३ बजे उप्रान्त तिष्य । योग - व्यतीपात , १०:२९ बजे उप्रान्त वरियान् । करण - कौलव १८:०१ बजेदेखि तैतिल , ३०:२७ बजे उप्रान्त वणिज । चन्द्रराशि - मिथुन । आनन्दादि योग - लुम्ब । दिनमान ३१।३२ । सूर्योदय ५:४४ । सूर्यास्त १८:२१ । बैष्णवहरुको अजा एकादशीव्रत । 

आजको राशिफल 

मेष - (चु, चे, चो, ला, ली, लु, ले, लो, अ) 
आफन्तहरुसंग झगडा हुनसक्छ । पेट तथा कोखा सम्बन्धी समस्या देखिन सक्नेछ । आज नयाँ कामको थालनि नगरेको राम्रो काम विग्रनेछ । मन अस्थिर रहनेछ । काममा सफलता मिल्ने छैन । अध्ययन तथा वैतनिक क्षेत्र अशुभ रहने छ । 

वृष - (ई, उ, ए, ओ, वा, वी, वु, वे, वो)  
आकस्मिक धनलाभ हुने योग छ । स्वास्थ्य राम्रो रहने छ । शत्रु पराजित हुनेछन । प्रेममा सफल हुने योग छ । उपहार प्राप्त हुनेछ । आजको दिन सुखद् तथा प्रेमिल रुपमा व्यतित हुनेछ । विद्यार्थी भाइबहिनीहरुका लागि आजको दिन राम्रो रहेको छ । 

मिथुन - (का, की, कु, घ, ङ, छ, के, को, हा)  
मनसिक सन्तोष मिल्नेछ । स्वास्थ्य सम्बन्धि समस्यामा सुधार आउने छ । धन आर्जनको अवसर मिल्नेछ । आज कटुवचनको प्रयोग नगर्नु होला । अनावश्यक रुपमा विवाद उत्पन्न हुन सक्नेछ । व्यवसायीहरुका लागि आजको दिन फलदायी रहेकोछ । अध्ययन राम्रो रहला । 

कर्कट - (ही, हु, हे, हो, डा, डी, डु, डे, डो)
स्वास्थ्य राम्रो रहनेछ । सत्कार तथा मान सम्मान प्राप्त हुनेछ । पारिवारीक सुख प्राप्त हुनेछ । मिष्ठान्न भोजन प्राप्त हुनेछ । अन्नलाभ हुनेछ । विद्यार्थीहरुको अध्ययनको क्षेत्र राम्रो रहनेछ । व्यवसायवाट प्रसस्त आम्दानी होला । 

सिंह - (मा, मी, मु, मे, मो, टा, टी, टु, टे)
प्रियजन संग बिछोड ।  शारीरिक समस्याले मनमा चिन्ता बढ्नेछ । आफन्तहरुबाट असहयोग प्राप्त हुनेछ । अनावश्यक रुपमा धन खर्च हुनेछ । अध्ययनमा मन जाने छैन । अनावश्यक यात्राहरु हुनेछन् । व्यवसायमा घाटा होला । 

कन्या - (टो, पा, पी, पु, ष, ण, ठ, पे, पो)  
कामहरु बन्दै जानेछन । मित्रहरुसंग मिलनको योग छ । मीठो भोजन तथा धन प्राप्त हुनेछ । व्यवसायबाट फाइदा हुने दिनछ । आफन्तबाट प्रसस्त मात्रमा सहयोग प्राप्त हुनेछ । अध्ययनको क्षेत्र सफल रहनेछ । 

तुला - (रा, री, रु, रे, रो, ता, ती, तु, ते)
मनले चिताएको काममा सफलता मिल्ने योग छ । इष्ट सिद्धि हुनेछ । रोकिएका कामहरु पुरा हुनेछन् । तिव्रतापूर्वक काम गर्दा वेस हुनेछ । कर्मको फल प्राप्त हुनेछ । विद्यार्थी तथा व्यापारीहरुका लागि आजको दिन विशेष फलदायी रहनेछ । 

वृश्चिक - (तो, ना, नी, नू, ने, नो, या, यी, यू)  
सरकारी काममा सफलता मिल्नेछ । सन्तान तथा परिवारबाट पूर्ण सहयोग प्राप्त हुनेछ । यात्राको अवसर प्राप्त हुनेछ । रोजगारी तथा व्यवसायबाट फाइदा हुनेछ । पेटमा देखिएको वायुविकार जन्य समस्या ठीक हुनेछ । पठनपाठमा मन जानेछ । 

धनु - (ये, यो, भा, भी, भू, धा, फा, ढा, भे)
पेटजन्य रोगका कारण स्वास्थ्य खराव हुन सक्नेछ । मनमा चिन्ता बढनेछ । वादविवाद हुन सक्नेछ सतर्क रहनु होला । जिवजन्तुको भए रहनेछ । अध्ययन तथा वैतनिक मार्ग फलदायी रहने छैन ।आज नयाँ कामको थालनि नगरेकै राम्रो हुनेछ । 

मकर - (भो, जा, जी, खी, खु, खे, खो, गा, गी) 
आर्थिक उन्नति तथा प्रगतिको योग रहेको छ । मान प्रतिष्ठा बढ्ने योग छ । मीष्ठान्न भोजन प्राप्त हुनेछ । परिवार तथा इष्टमित्र हरुबाट पूर्ण सहयोग मिल्नेछ । व्यवसायबाट प्रसस्त आमदानी हुने दिन रहेको छ । पढाइमा सफलता मिल्ने दिन रहेको छ । 

कुम्भ - (गू, गे, गो, सा, सी, सु, से, सो, दा)
आकस्मिक धनप्राप्तिको योग छ । यश प्राप्त हुनेछ । शत्रु परास्त हुनेछन् । स्वास्थ्य राम्रो रहने छ । मनले चिताएको काम पुरा हुनेछ । प्रेममा सफल हुने दिनछ । विपरीत लिङ्गका साथीबाट पूर्ण सहयोग मिल्नेछ । अध्ययन तथा व्यवसायीक क्षेत्र फलदायी रहेकाछन् । 

मीन - (दी, दू, थ, झ, ञ, दे, दो, चा, ची)  
मेहनतसाथ गरेको काम सफल हुनेछ । यात्रा अर्थपूर्ण र सुखद होला । मन प्रसन्न रहनेछ । धन तथा सामान प्राप्त हुने दिन रहेको छ । व्यापार व्यवसायबाट मनज्ञ आम्दानी हुने योग छ । विद्यार्थीहरुका लागि आजको दिन पूर्ण फलदायी हुने छ । मनोरञ्जनमा दिन व्यतित हुनेछ ।