सियारीमा बाध्यबादन तालिम

सेतोमसी
कार्तिक १५, २०८१ बिहिवार

अ +
अ
अ -

देवदह । रुपन्देहीको सियारी गाउँपालिकामा बाध्यबादन तालिम दिइएको छ । पालिकाको वडा नं ४ र ५ का ३१ महिला र ११ जना पुरुषलाई एक हप्ते तालिम दिइएको तालिम प्रदायक संस्था द‌यानगर सामुदायिक सिकाई केन्द्रले जनाएको छ ।

कार्तिक ८ गतेदेखि १४ गतेसम्म संचालित तालिममा विद्यार्थी, शिक्षक, आमा समूह, सि.एल.सी. समूह र नवसाक्षर महिलाहरु सहभागी भएको केन्द्रका अध्यक्ष गायत्री न्यौपानेले जानकारी दिइन् ।

तालिकामा सन्देश सापकोटा, बुद्धिबहादुर सिलवाल र लोकनाथ जैसीले प्रशिक्षार्थीलाई प्रशिक्षण दिएका थिए । तालिमबाट विवाह, तिजगीत कार्यक्रम, पुजा, भजन आदिमा मादल बजाउन सक्ने भएको सहभागीले बताए ।

बुधबार तालिमको एक कार्यक्रम बीच समापन गरिएको छ । लिग्जा कलेजको प्राङ्गणमा भएको समापन समारोहमा गाउँपालिका अध्यक्ष थानेश्वर घिमिरे, ४ नं. वडा अध्यक्ष श्रीराम यादव, ५ नं. वडा का अध्यक्ष धनपति खरेल, विरेन्द्र माविका प्रधानाध्यापक कृष्ण प्रसाद चौधरी, संस्थाका परिचालक दुर्गा तिवारी लगायतको उपस्थिति रहेको थियो ।