काठमाडौं । विश्वकप लिग-२ अन्तर्गत अमेरिका र स्कटल्यान्डसँगको त्रिकोणात्मक एकदिवसीय खेलको तयारीमा रहेको नेपालले त्यसअघि भएको अमेरिकी ‘ए’ टोलीविरुद्धको अभ्यास खेलमा कमजोर ब्याटिङ गरेको छ।
टी-२० सिरिज ‘क्लिन स्विप’ गरेर लयमा फर्किएको विश्वास गरिएको नेपाली टोली मंगलबार राति भएको खेलमा ८१ रनमा समेटियो।
८२ रनको कमजोर लक्ष्य पछ्याएको अमेरिका ए ले २३.१ ओभरमा ६ विकेट गुमाएर पूरा गर्यो। नेपालका लागि सन्दीप लामिछानेले ४ विकेट लिएपनि टिमको कमजोर स्कोर जोगाउन भने सकेनन्। अमेरिकाका लागि नितिश रेड्डीले २९ रन बनाउँदा राहुल जरिवालालाले २६ रन बनाए।
त्यस्तै, सञ्जय कृष्णमूर्तीले १० रन बनाएका थिए। नेपालका लागि रिजन ढकाल र ललित राजवंशीले समान १-१ विकेट लिए।
त्यसअघि पहिले ब्याटिङ गरेको नेपालले २५.२ ओभरमा ८१ रन मात्र बनाउन सक्यो। नेपालका लागि कुशल मल्लले सर्वाधिक १८ रन बनाए।
उनी बाहेक देव खनालले १२ रन बनाउँदा कप्तान रोहित पौडेलले ११ तथा भीम सार्कीले १० रन बनाए। अमेरिकाका लागि आरिन नदकर्नीले ४ विकेट हात पारे।
त्यस्तै आयान देसाईले २ तथा पारादकर, उत्कर्ष श्रीवास्ता र अलिशेखले १-१ विकेट लिए।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)