अमेरिकामा नेपाली विद्यार्थी 'मुना'को हत्या गर्ने व्यक्ति सार्वजनिक

सेतोमसी
भाद्र १३, २०८१ बिहिवार

अमेरिकामा नेपाली विद्यार्थी 'मुना'को हत्या गर्ने व्यक्ति सार्वजनिक

अ +
अ
अ -

ह्यूष्टन । अमेरिकाको ह्युष्टन प्रहरी विभागले २१ वर्षीया नेपाली विद्यार्थी मुना पाण्डेको हत्या प्रकरणमा एक व्यक्ति पक्राउ गरेको छ । अधिकारीहरू यस मामिलाका सन्दिग्धको सर्भिलेन्स क्यामेराले खिचेका तस्बिर जारी गरेका थिए । तर बुधबार पक्राउ परेका व्यक्ति त्यही व्यक्ति हुन् कि होइनन् भन्ने चाहिँ स्पष्ट छैन ।

दुई दिन अघि दक्षिण पश्चिम ह्युष्टनको अपार्टमेन्टमा मुना मृत भेटिएकी थिइन् । उनीमाथि गोली प्रहार भएको थियो । सोही अपार्टमेन्टबाट बाहिरिइरहेको अवस्थामा ती पुरुषको तस्बिर सर्भिलेन्स क्यामरामा कैद भएको थियो ।

ती पुरुषको पहिचान खुल्न सकेको छैन । मुना नेपालको भोजपुरकी स्थायी बासिन्दा हुन् । मुना नर्सिङ पढिरहेकी थिइन् । उनी सन् २०२१ मा अध्ययनका लागि अमेरिका गएकी थिइन् ।