सेतोमसी सहकर्मी
काठमाडौं । पछिल्लो ४८ घण्टादेखि चलिरहेको राजनीतिक तरङ्गलाई अन्त्य गर्दै प्रधानमन्त्री प्रचण्ड र सत्ता गठबन्धन नेकपा एमालेका अध्यक्ष केपी ओलीले पाँचबुँदे निष्कर्षमा सहमति जनाएका छन् ।
यद्यपि दुई नेताका बीचमा कुनै हस्ताक्षर भने भएको छैन । आज विहानदेखि बालुवाटारमा बसेको चार घण्टा लामो छलफलपछि सत्ता गठबन्धनलाई कायमै राख्ने बिषयमा दुई नेताका बीचमा सहमति भएको हो ।
सरकार ढल्छ र कांग्रेस एमालेका बीचमा नयाँ सहमति बनिसक्यो भनेर चर्चा र हल्ला भइरहेको बेला दुई नेताका बीचमा गठबन्धनलाई थप बलियो र प्रभावकारी बनाउने सहमति भएको प्रधानमन्त्री प्रचण्डका प्रेस सल्लाहकार गोविन्द आचार्यले जानकारी दिए ।
आजको छलफलपछि दुई नेताबीचमा भएको सहमती अनुसार सत्ता गठबन्धनलाई थप मजबुत पार्ने, भ्रष्टाचार विरुद्धको कारवाहीलाई थप शसक्त बनाउने, सरकारका काम कारवाहीलाई प्रभावकारी र पारदर्शी बनाउने, राष्ट्रिय मुद्दाहरुमा प्रमुख प्रतिपक्ष दलसहित फराकिलो दायरा बनाएर छलफल गर्ने निष्कर्षमा दुवै नेताले सहमति जनाएका छन् ।
त्यस्तै, नागरिक उन्मुक्ति पार्टीलाई सरकारमा सहभागी गराउने विषयमा पनि दुवै नेता सहमत भएका छन् ।
सेतोमसी सहकर्मी
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology