सुशासन कायम गर्न गैरकानुनी कारोबार बन्द गर्नुपर्छ : उपसभापति गुरुङ

सेतोमसी सहकर्मी

सुशासन कायम गर्न गैरकानुनी कारोबार बन्द गर्नुपर्छ : उपसभापति गुरुङ

अ +
अ
अ -

काठमाडौँ । नेपाली कांग्रेसका उपसभापति धनराज गुरुङले देशमा सुशासन कायम गर्नका लागि गैरकानुनी कारोबारहरूलाई बन्द गर्नुपर्ने बताएका छन् । बुधवार १३५ औँ मे दिवसको अवसरमा आयोजित कार्यक्रमलाई सम्बोधन गर्दै उपसभापति गुरुङले देशमा सुशासन कायम गर्न गैरकानुनी कारोबारहरूलाई बन्द गर्नुपर्ने बताएका हुन् ।

उनले गैर कानुनी ढोकाहरु सबै बन्द गर्नुपर्ने बताए । गैर कानुनी ढोकाहरू बन्द गरेमात्रै मुलुक ठिक ढंगले चल्ने बताए । उनले विभिन्न काण्डमा मुछिएकाहरूलाई काम समातेर उठबस गरेर मात्रै देश नबन्ने बताए । गुरुङले मजदुर र श्रमिकको पसिना बिना सिंहदरबार नचल्ने भन्दै सिंहदरबार छिर्नासाथ कोही पनि मालिक नहुने बताए ।

‘मजदुर र श्रमिकको पसिना बिना कुनै सिंहदरबार चल्दैन भन्ने मान्यता बनाएर अगाडी बढ्यौँ भने मात्रै यो मुलुक हामीले भनेजस्तो, चाहेजस्तो, रहर गरेजस्तो समृद्ध, समुन्नत नेपाल बनाउन सकिन्छ । सिंहदरबार छिरेपछि मालिक हो कि जस्तो भइहाल्छौँ हामी । यो पनि गलत छ’ उनले भने, ‘सुशासन बेगर समुन्नत नेपालको गन्तव्यमा पुग्न सकिँदैन । सुशासनका लागि दुई, चारवटा काण्डमा मुछिएकाहरूलाई कान समातेर उठबस गरेर मात्रै देश बन्दैन । गैरकानुनी कारोबार जति सबै बन्द गर्नुपर्छ । गैर कानुनी ढोकाहरू सबै बन्द गर्नुपर्छ । तबमात्रै मुलुक ठिक ढंगमा पुग्छ । ठिक ढंगले चल्छ ।’